Car amicos,
Non Valter Ahlstedt sed Dr. John Lansbury del Statos Unite
ha registrate un disco de grammophono in Novial in le annos trenta.
Il dunque non se tracta de un cassetta - ancora - sed io qui guarda
le disco, donate al Societate Svedese pro Interlingua per Sr Ahlstedt
ha promittite a Don Gasper de copiar lo a un audiocassetta.
Regrettabilemente tote mi essayos de facer isto ha essite in van.
Necuno sembla posseder plus un functionante grammophono del
typo que pote revelar a nostre "aures curiose" le voce de Dr.
Lansbury.   Sed naturalmente io va continuar a cercar un solution.

Estranie coincidentia: Hodie io ha per hasardo trovate le adresse
electronic de Don Gasper e scribite a ille, reassecurante le de
mi promissa de copiar le disco!
Vos audira plus ab me re isto - sed non multo tosto, il sembla.

Deman vespere io probabilemente va haber contacto telephonic
con Sr. Ahlstedt, qui in despecto de su 91 annos participa
regularmente in le reuniones del interlinguistas (membros de
nostre SSI) de Stockholm.
(Lor proxime reunion essera deman, dominica le 18 de octobre.)

Salutes amical
Ingvar

Ingvar Stenström,
Vegagatan 12, S-432 36 Varberg, Svedia
Tel. +46-/0/340-15053
<[log in to unmask]>
<[log in to unmask]> <[log in to unmask]>
<http://www.interlingua.com>