On Sat, 1 Jul 2000 15:07:10 -0500, Jonathan Julius Dobkin
<[log in to unmask]> wrote:

>Felice Die de Canada!
>
>Si il ha Canadianos in iste lista, per favor lege a nos e dice in cual
>provincias vos vive e como va su Die de Canada.

Io habita Victoria (Columbia Britannic) super le Insula de Vancouver, e ha
passate le Die de Canada (o Die de Dominion*, como on lo appella anque) de
maniera agradabilissime al plagia con mi marita e duo pueros, de 3 annos e
1 anno. Isto esseva mi secunde feria in celle septimana, quia jovedi esseva
le anniversario de mi marita, e nos viagiava per navetto alcun kilometros
secun le "Gorge" - un sorta de canal natural - pro prender "tea" a in le
jardin apud un casa historic.

Amicalmente e un bon Quarto de Julio a nostre amicos US-American,

Chris Burd

*Officialmente, Canada se appella le Dominion de Canada, e nostre festa
national marca le accession del prime quatro provincias (Ontario, Quebec,
Nove Brunswick, Nove Scotia) al nove confederation 1867. Nonobstante, isto
non significava le independentia de Canada ab Brittania. Illo restava
un "dominion" del Imperio Britannic - legalmente e mentalmente - usque le
prime decennios del 20e seculo, e le independentia legal veniva
gradualmente per actos administrative quasi impercipibile al populo. In un
certe senso illo non deveniva plenmente actual usque le renovation
constitutional de 1982. Totevia, on considera que le canadianos passava le
limine psychologic de independentia durante le prime guerra mundial, le
grande sacrificios del qual ha forgiava un senso de nationalitate commun e
destrueva tote restos de deferentia verso le britannicos.

C.B.