Deman a 0400 horas io parti de mi casa al aeroporto de Atlanta pro volar a
Washington (Ensjo vola a Brasilia, io vola a Washington).  Io va presentar
un lectura a un conferentia de epidemiologos statisticos super le
Maladie del Guerra in le Golfo.  Esque iste maladie existe o non?  Qui
sape.  Essente un "experto" super le analyse factorial e le analyse de
equationes structural io va parlar super le uso del analyse factorial
in le studios epidemiologic.  Isto non va esser un "profunde lectura"
(io deveni troppo vetere pro presentar lecturas profunde - ben que io
pote esser philosophic e pare profounde).  Io crede que le majoritate del
audientia non es frequente usatores del analyse factorial.  Assi io
pote esser secur in lo que io dice, que pauc va contradicer me.  (Io spera).

Io retorna le vespere deman.

Atlanta habeva un altere mal tempesta iste nocte previe.  Mi casa non
esseva tractate seriosemente per le tempesta, mais circa 230.000 casas
in Atlanta esseva sin poter electric proque le ventos ha abbatite multe
arbos super le lineas electric e telephonal.  Io rememora le tonitro e
le fulmine in le nocte, mais illo non ha essite tanto grande pro elevar me.

Nos habita un loco circa 25 milas del centro del citate ubi le majoritate
del damno esseva recipite.

In le television hodie nos videva grande arbos abbatite per le vento super
casas e automobiles.  smush.

("smush" es un parola create per me in anglese como un combination de
"smash" e "crush").  :-}

Stan Mulaik