Paul, Io es de accordo con vos. Le ration que le francese, le italianos, le germanos, le espanioles usa parolas anglese es proque lor linguas non jam ha parolas pro tal conceptos originante in le mundo anglese. Il semper ha essite assi. E il ha un certe qualitate "chic" (a usar un parola francese) a usar parolas estranie in su proprie lingua. Il ha necun soldatos o policia del imperio anglese que fortia iste gentes a usar parolas anglese. Al contrario, in Francia il ha policia que compelle le gentes a usar parolas francese in loco de anglese. Quando Georgia Tech creava un campo de Georgia Tech a un Universitate in Francia, a que vadeva facultate del Georgia Tech in Atlanta, illes creava un notitia in le tela transterrestre in anglese. Isto esseva un invitation a studentes francese a venir a studiar a iste campo in un universtiate francese sub facultate de Georgia Tech. Alcuno accusava le universitate de violar le leges de Francia e un action esseva initiate in un tribuna contra Georgia Tech. On non pote facer notitias in anglese super un universitate in Francia. Le notitias debe esser, per lege in francese. Eventualmente un judicio ha rejecte le action pro alcun technicalitate del lege. Io non es certe si le sito in le TTT esseva aqui in Atlanta o non. In partes de Quebec in Canada, si un magazin usa un signo in anglese, le policia va venir e compeller los a reimplaciar lo con un signo in francese (con phrases anglese in minor typo). Isto es le imperialismo! Esque le policia in Finlandia compelle finnese a usar parolas finnese? O es isto solmente un concordantia del gentes voluntari? On va notar que aqui in mi citate de Atlanta, in un suburbo, le consilio del suburbo ha decretate que signos de botecas debe esser in parte in anglese e in grande typo. Le suburbo in question ha devenite occupate per multe gentes de origine asian, de vietnam, corea, thailanda, japonese, chinese. Assi il ha signos in chinese, corean, japonese que le policia e le pumperos contra focos non pote leger. Assi si il ha un loco ubi il ha un robamento o un foco, le policia e le pumperos vole trovar los, mais illes non pote leger tal linguas e signos in aquelle linguas. Assi illes non pote locar le sito de que ha venite le appello pro adjuta. Stan Mulaik