d[000111] x[Allan Kiviaho] TchV-015 KivA-01A s["Le occupation advocabile de Baltico"] [log in to unmask] Victor A. Tchernavski 000105: Multe excusas pro guerra contra Finlandia, sed "occupation" de paises baltic es advocabile. ------------------------------------------------------ Allan Kiviaho 000111: Car Victor! Io non es secure que tu opina con le parola "advocabile" sed insimul con le parola "occupation" inter virgulettas in te texto io suppone que te opination es que le attacco massive del Union Sovietic contra le parve paises baltic 1940-JUN-16 era debattibile, forsan mesmo justificate e non un ver occupation del toto. Post le collapso del Union Sovietic on ha aperite multe archivos in Russia e hodie le numeros de divi- siones sovietic que attaccava Finlandia le 1939-NOV-30 e le paises baltic le 1940-JUN-16 son exactemente notori. Le plus famose specialista finlandese in le historia militar del Union Sovietic 1939--45 in re Finlandia e le Baltico es professor Ohto Manninen. Ille ha scripte multe libros super le thema. In su libro ... "Molotovin cocktail - Hitlerin sateenvarjo" (Le cocktail de Molotov* - le umbrella de Hitler) Helsinki 1994. 333 paginas. ISBN 951-37-1495-0 ------------------------------------------------- * "Cocktail de Molotov" significa in finnese le bottilias flammifere que le soldatos finlandese usava pro incirerar le carros armate sovietic in le Guerra Hibernal 1939--40, in manca de canones anticarro ... professor Manninen da le numeros del omne divisiones sovietic que participava in le attacco contra Finlandia in 1939 e contra le paises baltic in 1940. Contra le paises baltic attaccava 3 armeas (le 11me Armea ab Polonia contra Lituania, le 3me armea ab le area de Molodeczno contra Lituania e Latvia e le 8me armea contra Latvia e Estonia ab le area de Narva e Pskova). Iste 3 armeas habeva 8 corpos de armea e 24 divisiones, ca. 400 000 soldatos combattante. Si comparate inter le populationes de iste paises il equalar que le Union Sovietic esserea habite attaccate per 729 divisiones (le maxime quan- titate real del divisiones german in le secunde guerra mundial era ca 240). Germania comenciava su attacco contra le Union Sovietic le 1941-JUN-22 (Operation "Barbarossa") con 121 divisiones + 28 divisiones in reserve = 149 divisiones total. In le occupation del paises baltic le armea sovietic habeva, additionalmente, in reserve al frontiera un multitude de divisiones. Le sequente divisiones era involvite in le occupation directemente o indirectemente (C = division de cavalleria, f = divisiones que habeva participate in le attacco contra Finlandia 1939-NOV-30--1940-MAR-13). Le divisiones in parenthese non avantiava trans le frontiera. Contra Estonia -------------- 11f 16 (17f) 24f 25C 49f 56f (75f) 90f (100f) 155f (163f*) = 12 divisiones. * Ante 60 annos e un die le 163me division sovietic era totalmente annihilate in le epic battalia del Viage de Raate como anque le 44me division de Ukraina, que tentayava attaccar al Oulu e le frontiera svedese pro secar Finlandia in duo partes. Iste battalia jocava un rolo decisive in le superviventia de Finlandia in le Guerra Hibernal. Contra Latvia ------------- 1f 42f 48 67 126 128f = 6 Contra Lituania --------------- 4C 5 6C (7Cf) (8f)(10) (23) (29) 33 (55) 84f (85) (86f) (111) (113f) 115 121 125 (143) 185 = 20 Actualmente le paises baltic era habite partialmente occupate jam ab 1939 Octobre per: Estonia: Le 65me corpo de armea (le 16me division, 18me brigata cuirassate e le 5me distaccamento motorisate) Latvia: Le 2nde corpo de armea (le 67me division e 6me brigata cuirassate) Lituania: Le 16me corpo de armea (le 5me division e 2nde brigata cuirassate) Il es un mysterio proque le Union Sovietic usava tal grande massas de truppas pro le occupation del paises baltic. Le ressources de balticos pro defender se era multo limitate, i.a. proque il jam existeva truppas sovietic in iste paises. Possibilemente il era pensate como un demonstration del potentia de armea sovietic. Le 214me brigata aerotransportabile faceva un piece spectacular. Illo attaccava con duo regimentos de bombatores TB-3 ab Sinczei (Bielorussia) al aeroporta de Sziauliai in Lituania del nord, ab ubi illo avan- tiava con carros armate a Riga, le capital de Latvia. Jam le 1940-JUN-25 iste brigata era in Ukraina prepa- rante le occupation de Bessarabia (Moldova) - un altere occupation "advocabile", forsan ... Tosto le altere divisiones sovietic era retrahite excepte 11. Post iste prime occupation de Estonia on trovava tumbas de massas con 1355 assassinate. 34 250 homines era deportate a Russia. Durante le occupation del armea German 69 000 estonianos participava al guerra a parte de Germania, 40 000 de illos in le Waffen-SS e 5000 in le Wehrmacht german. Si comparate con le population hodierne del Statos Unite illo significarea quasi 17 milliones voluntarios statounitese luctante pro - ... - Hitler. Le 20me Division estonian de Waffen-SS deveniva famose, illo combattava contra le armea sovietic ancora in 1944--45 in Silesia, Germania. Post le "guerra de continuation" 1941--44 inter Finlandia e le Union Sovietic colonello general Andrei Zhdanov era le chef del commission de surveliantia sovietic in Helsinki. Ille era un coup-facer profes- sional, un gentilhomine multo periculose, un carnifice e commandante de Leningrad durante le assedio qui lassava 800 000 homines morir de fame. Durante iste secunde guerra un regimento de voluntarios estonian combattava in le armea finlandese como le regimento numero 200. Le marito de mi amita luctava in iste regimento. Post le guerra iste estoniano trava- liava como chauffeur al commission de surveliantia proque ille possedeva russo. Io ha sedite in un limousine luxuriose "Zhil", que era usate anque per colonello general Zhdanov ipse, quando io habeva 9 o 10 annos. Io ha sedite in le auto de Zhdanov quando io habeva 9 o 10 annos proque le marito de mi amita era un estoniano qui habeva luctate como voluntario in le armea finlandese contra le Union Sovietic e travaliava post le guerra como chauffeur al Commission de Surveliantia Sovietic proque ille possedeva finnese e russo. Le fratre de Arnold, le estoniano, fugiva a London e demandava frequentemente Arnold a facer le mesme. Valpo, le "KGB finlandese", le arresteva e expedite al Union Sovietic ubi ille era disincarcerate ab un campo post un anno e expedite retro a Estonia. Su filia - mi cosina - es maritate con un multe famose industrialista finlandese. Arnold non poterea lassar su village sin permission special sed su filia poterea vider le ante su morte. Su filias ha visitate Finlandia multo vices desde de era de glasnost. APPENDICE Le numero de inhabitantes in le paises relevante in 1940 Estonia 1 100 000 Latvia 1 950 000 Lituania 2 550 000 ---------------------------- Le paises baltic 5 600 000 Finlandia 3 887 000 Union Sovietic 170 126 000 Bon, isto era un voluminose portion de historia. Isto es non intendite como attacco contra le interlinguanistas russe. S druzhestvennym privetom Allan