d[000114] x[Allan Kiviaho] KivA-01Da s[Re: Le stato de guerra declarate in Finlandia] To: [log in to unmask] Stan Mulaik 991130: Lo que io ha apprendite del finnese de Allan es que le finnese non jammais oblida. Como un Texano, io lo comprende: Rememora le Alamo! ------------------------------------------------------ Allan Kiviaho 2000-01-14: Car Stan, ... e le statouni- teses nunquam oblida Lexington, Gettysburg etc ... Si, nos non ha oblidate nostre Guerra Hibernal. Finlandia era un nation que habeva essite un stato independente solmente 22 annos minus un septimana in su historia (Finlandia habeva nunquam formate un proprie stato ante isto) quando illo era attaccate per un stato que habeva un population que era quasi 44 vices plus grande. Si comparate al population del Statos Unite hodierne il significarea que le Statos Unite esserea attaccate per un stato con population de 11 817 000 000 = quasi duo vices tote le population del mundo ...! 27 divisiones sovietic attaccava 9 divisiones finlandese que era minor quam le divisiones sovietic. In re le artilleria (2050 pecias de artilleria) le superioritate quantitative de sovieticos era immense e in re le aviones (1000) e carros armate (2050) absolute. Le grande alliatos del armea finlandese era le nive e frigor. Al fin del guerra, in martio 1940, le armea sovietic que luctava contra Finlandia consisteva de 60 divisiones, le mesme quantitate como le armea german "am Westwall" del die "D" 1944-JUN-06. Illo equala 2626 divisiones attaccante le Statos Unite hodie, un numero que forsan superpassa le quantitate del omne divisiones que ha UNQUAM essite in le mundo. Le Statos Unite ha nunquam mobilisate plus quam ca. 90 divisiones. Como poterea nos oblidar? Le tote area de Finlandia era constantemente bombardate e le guerra totalmente dominava nostre vita ab 1939 novembre a 1945 maio. Le 1999-DEC-06 nos, io e mi marita, post passante nostre vacantia del 60me anniversario del independentia in nostre cabina del finseptimana in foreste, spectava le parada del brigata svedophone, Nylands Brigad (Brigata de Novolandia) ubi nostre filio era trainate como un commando (chassator litoral). Le parade era alteremente totalmente motorisate sed al vanguarda marcheva de veteranos del nostre guerras. Le plus juvene veteranos del Guerra Hibernal ha nunc 77 annos. Le publico spontaneemente exponeva su capites ante iste heroes a capillos gris e blanc. Stan: Iste cuirassato german ("Bismarck") destrueva le plus grande cuirassato brittanic ("Hood") con solmente un pauc granatas e un cruciator* brittanic tanto ben. ------------------------------------------------------ Allan: * Secundo mi information le britones habeva duo cuirassatos, "Hood" e "Prince of Wales". Le superiori- tate de artilleria de britones era immense, 18:8. Sed "Hood" era jam vetule e illo non era un proprie cuirassato sed un cruciator combattante (battle cruiser) con cuirasse inferior. Le britones manovrara tacticamente malo e illes non poterea usar su superio- ritate de artilleria debitemente. On ha speculate que un granata german iva per un trappa cuirassate que era aperte pro un momento quando le granatas era elevate al turre de canones. Assi un fortuna enorme. Si "Hood" era nimis vetule e obsolete, "Prince of Wales" era nimis nove, su equipage mancava experientia. "Bismarck" habeva fortuna de novo, su granatas occideva tote le alte commando de nave salvo le commandante. Sed anque "Bismarck" era damnificate, illo habeva un serie perdita de oleo. Stan: e sol nave disponibile al anglese a stoppar lo esseva un parve* portaaviones con vetule aviones biplano con alas cuprite con drappo. ------------------------------------------------------ Allan: *Le portaaviones "Illustrious" non era tal parve pro iste era, illo habeva 22 600 tonnes e illo poteva portar 60 aviones. P.ex. le portaaviones statounitese "Enterprise" e "Yorktown" habeva solmente 19 900 tonnes e poteva portar etiam 60 aviones. Sed le aviones a torpedos de britones era modeste. Amicalmente Allan