Allan Kiviaho wrote: > > d[000114] x[Allan Kiviaho] TchV-015 KivA-01D > s[Terroristas e patriotas] > [log in to unmask] > > Victor A. Tchernavski 000105: > Alicun jornales russe ha presentate suspiciones que le > facentes exploder in Moskva ha essite arrangiate per > le servicio secret de Russia e non per le czeczenes > del toto. Naturalmente io non insiste que le czeczenes > non esserea capabile al tal actos sed ubi son le > provas legal? Le facer exploder in Dagestan probabile- > mente era un action czeczen sed le scopo era un domo > habitate per personas militar. A proposito, un se > demanda si le commandantes czeczen (Baszayev etc) > volerea provocar le guerra per lor attacco a Dagestan > o an Yeltzin e Putin besoniava iste guerra pro > assecurar le victoria de Putin in le electiones pre- > sidential in le proxime martio. > Ego non sape quanto frequente isto es, ma russos con le qual io ha parlate antea, ha expressate pur odio a tchetchenes e in principio populos del sud. Iste question del nationalismo e terrorismo es un cosa tremendemente complicate. On deberea quasi scriber un tote essayo in re isto. > In re le terrorismo. Grande statos como Russia e le > Statos Unite son multo sensibile super le terrorismo. > Sed terrorismo es sovente le sol medio de un nation > parve in su lucta pro libertate contra un grande > nation grande oppressive. Le russos ha artilleria, > aviones, helicopteros, carros armate e un enorme > superioritate quantitative, le czeczenes principal- > mente solmente su Kalasznikoves plus alicun armas > anticarro arepulse e lancea-granatas. E totevia le > heroic armea russe ha del novo immense difficultates > a annihilar le combattantes de liberation czeczen. Io > pensa que le czeczenes son le plus capabile soldatos > del mundo. In un de mi prime cursos de svedese in le 60''s jam io habeva un studente de basconia. Ille parlava ben le basco ma era del opinion que isto es "nostre dialecto" que nos parla a casa. Nunc on ha in basconia un special canal de television in basco e on ha inseniamento in basco. Il ha terroristas qui assassina politicos e alteres in favor de un libere pais basc. Durante le dictatura de Francisco Franco le bascos era incompassionalmente persecutite del regime de Franco. Le bascos respondeva con attaccos contra le guardia civil. Mesmo durante le liberalisation de Espania on ha continuate. Qual cosa vole illes ganiar que illes non poterea ganiar per un action democratic o legalistic? Nunc quando e Espania e Francia es membros plen del Union Europee on poterea crear un region basc usante le basco. Ma un tal organisation como le ETA es naturalmente difficile a mantener si on non ha pecunia, e post alcun tempore - como con un bureaucratia - le organisation deveni le scopo e non le medio. O pensa del terrorismo contra le stato in Germania. On comenciava con multo alte scopos politic, ma gradualmente le organisation se criminalisava. Ego pensa que isto es le risco pro cata organisation que usa le terror pro attinger su scopos. Naturalmente le violentia del latere del stato, plus o minus imaginate, va ducer al contraviolentia. Le idea de karma es un bon modello pro comprender isto... On dice que mesmo Joseph Visarionovitch in su tempore financiava le labor del partito per robationes de bancas! Il es un tremende risco pro un organisation luctante pro alcun libertate que illo se permantenta in un banda plus e plus terroristic. Tanto ben proverbial es que le grande stato va appellar criminales. In le Union Sovietic on appellava le resistentia contra le armea sovietic in Afghanistan _dushman_ que in perso significa _bandito_. Varie paises ha a certe momentos supportate banditos in varie partes del mundo pro su macchiavellic planos. Face nos le experimentia pensive de un occupation de un pais. Le occupante ha le plus humanistic scopos. On vole salvar le pais de un mal gerentia. Forsan un grande parte del population essera gaudiose que le guerra es finite e va acceptar le occupation. Le inimico lassa le pais governar se ipse si multo que possibile. Ma nunc il ha un excellente possibilitates pro le criminales un vice pro toto facer se famose e acceptate per le majoritate del population. On excambia le bandiera al vetere bandiera. Subito sgrafitti deveni actos de resistentia! E qui non participa es un collaborator. E le collaboratores on assassina. E subito assassinatos anque es bon e honorate. E le soldatos del inimico qui non solmente es terroristas e humanos violente ma anque bon humanos, como ego e tu, trova facer le optime ex le situation e proba - malgrado que "fraternisation" con le inimico es interdicte - mantener contactos con le inimico. E il ha un escalation del terrorismo (a pardona, del resistentia heroic). Si le population non vole participar le resistentia pote assassinar alcun soldatos del armea inimic, e subito le inimico va decimar le population o incarcerar lo. E subito on ha un rationalisation del resistentia violente. Altere ideas de un milito pote esser de pacificar le proprie population del agressor. Soventemente mal politicos vide in le guerra un excellente possibilitate render le pais quiete, e specialmente quando on misjudica le relationes de fortia in un maniera que on pensa que le inimico es plus debile quam in le realitate, le guerra pote esser imminente. Ah, e si le guerra es ganiate per le pais e on expella le aggressores, tunc on face justitia al collaboratores, specialmente al feminas e lor infantes bastarde. Tunc il es facile dar un colpo asinin a iste personas. Specialmente como tote le societate, que - naturalmente - era in le resistentia a 150 procentos - nunc como un humano se jacera al collaboratores.... > > Le combattantes de liberation son appellate > "patriotas" e "terroristas" o "banditos", dependente > del angulo del vista. Durante le secunde guerra > mundial le partisanos russe e yugoslav era a germanos > "banditos" sed io pensa que le grande majoritate de > russos considera illes ancora hodie como heroes e > patriotas. Le Union Sovietic, Bulgaria etc. trainava > grande quantitates de viros del paises del tertie > mundo a combattantes de liberation. Al SUA illes era > definitemente "terroristas". > Le resistentia yugoslave batteva tanto inter se como contra le germanos. > Le Vietkong vietnamese era pro le russos, le > presidente Olof Palme de Svedia - e me - heroes. Quasi > tote le Finlandia considera que le terroristas irlan- > dese (usque 1922) era grande heroes admirabile benque > Anglaterra ha essite e es multo popular in Finlandia. > E nonobstante illes era partes de un systema extrememente autoritari con un "disciplina" de ferro. Le viethamese es un lingua que como le chinese consiste ex parolas in principio monosyllabic. Pro isto le parolas russe es extrememente longe pro illos e debe haber essite un incubo de maestrar. Quando io participava a un curso de russo in Moscova nos era invitata a un incontro con vietnameses ibi. Quando illes parlava del "fronte de liberation" illo soniava in mi aures non-accostumate, in ille tempores, perfectemente al russo isto soniava como "le frende de domestication!". E domesticate illes certo era. Toto era controllate. On poteva quasi palpar le disciplina in le aere.... Nunc on introduce le economia de mercato anque al Vietnam! > Le 1904-JUN-16 Eugen Schauman, 29 annos, assassinava > le governator general de Finlandia, Nikolai Ivanovicz > Bobrikov e se ipse. General Bobrikov era desde 1884 > le chef de stato major del districto militar de Sankt > Peterburg. Le 1898-AUG-29 ille era nominate a governa- > tor general de Finlandia. Desde 1809 Finlandia habeva > essite un grande ducato con multe grande soveranitate > in le imperio russe. > An le dictatura russe in Finlandia non era plus dur post le assassinato a Bobrikov? > General Bobrikov prosequeva un politica de > russification de Finlandia. Ille era supportate per > le ministro-secretario de stato von Plehwe e tote le > movimento panslavic de Russia. Mesmo le imperator, > Nikolai II, supportava Bobrikov. Un partito de > resistantia, "Le Activistas", era fundate in Finlan- > dia. Pro subjugar le resistancia le imperator > provideva a Bobrikov autorisationes de un dictator. > Ille banniva plure patriotas finlandese a Siberia. > Isto es, ille non era assi liberal, que io unquam legeva.... > In iste situation acute Eugen Schauman, un membro del > partito de activistas e vice-contabile al > administration statal de scholas fusilava Bobrikov con > un parve pistoletta Browning e post isto se ipse. > In Finlandia Eugen Schauman es ancora hodie > considerate como uno del nostre grande heroes > national. A russos ille certemente era un > "terrorista". Curiosemente ille era nascite in Harkov, > Ukraina. Su patre era lieutenant general Fredrik > Waldemar Schauman (1844-1911). > Il es interessante que multe finlandeses serviva in le armea russe in ille tempores e obviemente retineva su etnicitate! /Multo interessante passage de texto in re Schauman, Gavrilo Princip e Praga delite/ > Que Russia devenirea, alicun die, stato del ver > democratia e justitia! Io non crede que il essera longe tempore usque que scandinavos de novo va laborar in St. Peterburg como ante le revolution. Le acquittamento de un luctator pro un optime ambiente es un bon signo de plus de democratia e libertate. Ma le processo certo non essera rapide! Scepticamente