Le si nominate vermine al anno 2k (y2k bug) ha essite un cosa que nos ha succedite evader. Probabilemente pro que nos ha essite preparate. Le sol fallimento que io cognosce es que alcun registratores de activitate cardiac al Hospital Academic de Uppsala ha comenciate monstrar datas incorrecte! Ma salvo isto toto ha passate ben. Ma heri io pensava que le facto que nos ha evadite le calamitates del orwellian 1984 non significa que le periculo ha cessate. Lassa nos considerar que tosto cata cive habera un computator a casa e in un futur le cameras digital essera de melior precio. Forsan le humanos ipse va comprar le apparatos per le quales illes essera surveliate! In tempores passate le prisioneros pagava le mangiar e logia per su proprie moneta.... Forsan nos videra le consequentias del _bug_ in le futuro! Il es surprendente que necuno ha initiate processos in corte contra le livrantes del programmas e le equipamento con le vermine! O lassa nos prender le terror del bomba atomic. Nunc on non parla de isto, e isto justo es le cosa terribile. Quando le humanos era consciente, on poteva evader le periculo, ma nunc, quando necuno parla de illo, il es multo plus riscose, io suppone. Multe personas qui ama theorias de conspiration ha credite que le vermine era un problema inventate. Le homine ha de facto essite multo habile in terrificar su conhumanos per varie cosas como le judicamento final, le inferno e altere cosas, quando normal morbos e pestilentias es ben sufficiente!