In mi activitate de reverter le dictionario interlingua-svedese io incontrava le parola _vico_ que significa duo cosas: un parve (micre) strata (un stratetta si vos vole) e in plus un parve village. Naturalmente, vos omnes qui vive in paises ubi on ha village al ambe flancos de un via va rider pro que io non comprende iste obvie contexto, ma in mi parte del mundo il non ha sempre existite villages longe, ma villages ambiente un ecclesia! Le ecclesia era in le centro del village e le casas del habitantes era locate circum iste ecclesia. Le village del altere latere ha su origine in le villa rural del romanos. Un villa poteva esser un grande construction ubi non solo le maestro, capo habitava ma etiam le membros de un village. Multo interessante.