d[000116] x[Allan Kiviaho] RehK-01E KivA-01Fb s[Re: Terroristas e patriotas] [log in to unmask] Kjell Rehnström 000114: Ego non sape quanto frequente isto es, ma russos con le qual io ha parlate antea, ha expressate pur odio a tchetchenes e in principio populos del sud. ------------------------------------------------------ Allan Kiviaho 000116: Hodie le "Hufvudstadsbladet" ha publicate un multo longe articulo super un familia czeczen que habita in Moskva. Lor dies son plen de odio, contempto e menacias del parte de russos, e anxietate constante del fato de su cognatos in Czeczenistan. Ha un nation que odia e contemne un altere nation derecto moral a governar iste nation? Kjell: Il (le bascos --AK) ha terroristas qui assassina politicos e alteres in favor de un libere pais basc. ------------------------------------------------------ Allan: KONE Corporation, un grande fabricante finlandese de ascensores habeva un fabrica in Espania, in un parve citate proxime Bilbao, le capital de Basquistan. Io visitava iste fabrica ante ca. 20 annos. Le ETA habeva comenciate assassinar ETiAm personal de companias estranier. Io iva al fabrica in un taxi ordinari e me tenava invisibile in le sede posterior. Io evitava con marginale de 15-30 minutas un demonstration massive (100 000 homines) quando io retornava a Finlandia. Iste demonstration era intentate contra ETA e violentia. Durante le previe nocte ETA distribueva pamphletos. Io ancora ha un pamphleto con texto in euscari. Le systemas ordinatorial in London era KAPUTT e io era fortiate volar a casa via Hamburg e Copenhagen. Mi marita era bastante anxietate quando illa videva in le TV como enorme massas undulava sur stratas de Bilbao, gas lacrimogene era lanceate etc. Kjell: Durante le dictatura de Francisco Franco le bascos era incompassionalmente persecutite del regime de Franco. ------------------------------------------------------ Allan: In le guerra civil de Espania le basques e catalonianos luctava contra Franco. Le marina de guerra britone indignemente preventiva le basques de obtener armas. Necuno preventiva Franco de obtener armas de Hitler e Mussolini benque le basques e catalonianos luctava, al minus formalmente, pro le governamento legal, le republica, Franco era ja un rebello. Kjell: On dice que mesmo Iossif Vissarionovicz in su tempore financiava le labor del partito per robationes de bancas! ------------------------------------------------------ Allan: E heri sr Raznyatovicz alias "Arkan", un criminal civil e de guerra de grande scala era assas- sinate in hotel Intercontinental in Beograd. Como omne svedos ben sape, Arkan era etiam recercate per policia svedese e Interpol. Arkan con su "Tigros de Serbia" assassinava e stuprava massas de homines in Croatia, Bosnia e Kosova (?). Alicunos pensa que Serbia poterea haber Kosova como su provincia benque illo usa tal "practica policionar". Iste actos horribile in Bosnia e Kosova son ben cognite in Finlandia proque (1) nostre previe ministro de defensa, sra Elisabet Rehn (candidato pro presidente de Finlandia, le votation occurre exacto nunc) profundo investigava le massacro de Srebrenica in Bosnia ubi 8000 viros mosleme era assassinate per le serbos. A presso de un grande fossa commun in un foreste le officiales serb tentayava explicar que le moslemes habeva cadite in battalia. "Proque, alora, io non pote vider un singulo foramine de bollettas in le arbores?", sra Rehn demandava. (2) Doctoressa Heli Ranta, un famose examinator de cadaveres, ha studiate le corpores in plure fossas commun in Bosnia e ante un anno anque in Raczak, Kosova. Iste fossa commun de Raczak era le factor decisive que instigava NATO comenciar su attaccos aeree contra Serbia. Hodie Finlandia ha un battalion del ONU in Kosova. Le prime carga de battalion es de guardar le pauc serbos qui remane in Kosova. Sin ONU omne serbos haberea essite desde longe occidite. Heri de novo un ecclesia serb e tres casas era facite exploder. Sed un sensation grande!: Le burgomaestro de Pristina, le secunde citate de Kosova, es un finlandessa, Terhi Mäkynen. Illa es escortite cata matino le 8 horas a su officio e le 20 horas a casa per un forte truppa militar. E post cata 60 dies illa ha un vacation de iste travalio multo periculose. Kjell: An le dictatura russe in Finlandia non era plus dur post le assassinato a Bobrikov? ------------------------------------------------------ Allan: Paradoxicamente non immediatemente. Le successor de Bobrikov era prince Ivan Obolenski, un persona multo gentil e un persona de justitia. In 1905 in Finlandia occurreva exopero general contra le regime russe. Ivan Obolenski preventiva le militar russe ager contra le exoperantes finlandese. Post le exopero prince Obolenski abdicava e al sequente governator general deveniva Nikolai Gerard, un membro del consilio imperial. Ille era bastante liberal in su conviction politic e ille non accepteva al minus de plus radical punctos in le programma de russification de Finlandia. De facto Finlandia obteneva un parlamento e consti- tution que era le plus democratic in le mundo - o illo lo haberea essite sin le facto que on deberea subordinar omne lege pro acceptantia de imperator. Sed iste stupefacente periodo de libertate non durava longe. In novembro de 1907 major general F.A. Seyn era nominate como consilio del governator general, sin demandar de sr Gerard. General Seyn habeva essite jam un official sub Bobrikov e ille era un ardente suppor- tator de planos de russification. In 1908 le liberal guvernator general Gerard era dimittite e general de cavalleria Vladimir von Böckmann nominate como su successor e in 1909 le timite major general Seyn deveniva le governator general. Le 1910-JUN-10 le duma imperial de Russia accepteva le lege de extensive russification de Finlandia. Un fanatic nationalista russe, Vladimir Puriszkevicz, critava le parolas notoriose, que le nation finlandese nunquam oblida: "FINIS FINLANDIAE!" * * Sr Puriszkevicz assi citava le parolas que - secundo le legenda** - le heroe national polonese, Tadeusz Kosciuszko critava post le perdita decisive a Maciejowice in 1794: "FINIS POLONIAE!" ---------------------------------------- ** Tal scribeva "Südpreussische Zeitung" in le 1794-OCT-25. Kosciuszko era ferite e capturate per le russos. Sed Kosciuszko ipse lo negava in su lettera al historico francese Ségur le 1803-NOV-12. Si, iste parolas esserea un impossibili- tate ex un patriota polonese: "Jeszcze Polska nie zginela põki my zyjemy!" (Jam Polonia non es perdite proque nos vive!) Assi, "Finis Poloniae" era un legenda sed "Finis Finlandiae" ver historia. Nonobstante, anque nos finlandeses jam zyjemy ... Kjell: Il es interessante que multe finlandeses serviva in le armea russe in ille tempores e obviemente reteneva su etnicitate! ------------------------------------------------------ Allan: Si, multe officieros finlandese faceva un carriera brillante in le armea imperial de Russia. Le plus celebrate de illes es naturalmente le marechal de Finlandia, Carl Gustav Mannerheim, le national heroe de Finlandia pro excellentia. Mannerheim participava como le vice-commandante del Regimento de Dragones de Nezhinski al guerra russo-japonese le 1904-NOV-10--1906-JUN-04 in Manczuria. Le imperator Nikolai II promoveva le al colonello le 1905-NOV-29. Ille era decorate con plure ordines. In le I guerra mundial Mannerheim commandava i.a. un grande distaccamento romanian-russe, "le Gruppa Wrancza" (le 1916-DEC-11--1917-01-07) a Carpathos in Romania (Transylvania). Iste truppa consisteva de 2½ divisiones de infanteria romanian, 2 divisiones de cavalleria russe e 4 regimentos de cavalleria romanian. Le gruppa defendeva un fronte de 59 kilometros e luctava 6 battalias. Le 1917-JUN-12 Mannerheim era nominate a commandante de VI corpo de armea de cavalleria que anque luctava al fronte de Romania. Quando ille deveniva le supreme commandante del armea de Republica Finlandia (le 1918-JAN-16) ille habeva jam 50 annos. Finlandia era nominalmente independente desde 1917-DEC-06 sed le pais era ancora occupate per un armea e marina de guerra russos que consisteva de 100 000 viros (equalar 8 400 000 soldatos occupante le Statos Unite hodierne). Le quantitate le truppas russe in Finlandia descendeva rapidemente e le resto era totalmente demoralisate. Le guerra de liberation contra le armea occupante russe comenciava le 1918-JAN-27--29. Le guarnitiones russe in le Sud-Ostrobothnia era disarmate per attacco de surprisa e le armea blanc finlandese era armate con iste armas. Infortunamente le guerra de liberation se altereva anque al guerra civil proque le proletariate urban e le povre paisanos comenciava un rebellion. Illes era supportate per le Russia bolszevistic. Le armea rubie era plus grande e melio armate quam le armea blanc e le Finlandia rubie etiam habeva le plus importante parte del Finlandia sub lor controlo, i.a. omne citates importante (Helsinki, Viipuri, Turku e Tampere). Sed le rubies era mal conducte, le sol com- mandante ver professional era le colonello russe Mihail Stepanovicz Svecznikov. Le armea blanc habeva multe brillante commandantes qui era educate in Russia sed anque e super toto in Germania. Plure alte officieros svedese se inrolava al armea blanc finlandese. Postea le armea blanc era assistite per un division e un brigata german sed le armea blanc habeva jam gania- te un victoria decisive in le grande battalia de Tampere. Sed le intervention de germanos certemente accurtava le guerra con alicun septimanas, forsan mesmo menses. Un altere general educate in Russia era general de artilleria Vilho Petteri Nenonen. Ille habeva fre- quentate le famose academia de artilleria de Mihailov in Sankt Peterburg. Ille creava le artilleria de Finlandia developpante le methodos inventate in Germania. Le methodos de direction del tiro de general Nenonen era le plus avantiate in le mundo usque le 1960es. Curiosemente su companion in le academia de Mihailov e bon amico, Vladimir Davidovicz Grendal (original- mente Valdemar David Gröndahl) stava in Russia post le revolution e deveniva un alte officiero in le armea rubie. In le Guerra Hibernal ille comandava le 13me armea al Isthmo de Carelia in rango del komandarm (commandante de armea) de 2nde classe. Ille moriva jam 1940 de cancero e era funerate con grande honores. Multe poc officieros finlandese qui era educate in Russia faceva un carriera in Finlandia independente. Le plus de illes era jam relativemente vetule sed le altere causa era le si-nominate "rebellion del chassa- tores". In Finlandia LE chassatores son le fin - jääkäri(t) sve - jägare ger - jäger fra - chasseur rus - ieger ia - chassator(es) que ab 1915 iva a Germania trans Svedia e formava le 27me battalion regal de chassatores prusse. Illes battaliava contra le russos in Latvia e retornava a Finlandia le 1918-FEB-28. Le chassatores purgava le armea finlandese de alte officieros qui era educate in Russia e formava le majoritate de colonellos e quasi omne generales del armea finlandese in nostre guerras contra le Union Sovietic 1939--44 e Germania 1944--45. Salutante Allan