Salute Amicos, Le famose astronomo american, Carl Sagan - regrettabilemente morite, qui anque esseva un excellente informator popular de scientia general, habeva initiate ascoltation de signales celestial pro un nove scopo. Illo esseva a tentar a identificar un patrono que poterea identificar un "civilisation" incognite. Tal registration ha continuate e le radiotelescopo a Arecibo Radio Observatorio ascolta le celo perpetualmente. Un problema esseva que on non habeva computatores in quantitates sufficiente pro analysar le quantitates gigantesc de datos colligite. - Nunc alcuno ha presentate le idea brillante que on poterea usar capacitate libere in computatores private. Cata singule PC o Mac private pote laborar con partes del analyse quando le computator es preste pro labor ma le operator human non lo besonia. Il es in principio le tempore quando le "screen saver" normalmente es le "operator". Como organisar isto? Un orgaisation SETI, Search for Extraterrestial Intelligence, provide un parve programma que on pote discargar a su computator. Quando le programma es installate illo dice: "Per favor, connecte le computator a tu providitor. Io desira discargar un portion de datos ab le telescopo e facer analyse." Iste connection non dura un longe tempore e post isto le operator human non immediatemente pote observar alcun actiones in le machina. Ma si ille lassa lo esser inoccupate ille post un tempore pote observar que le screen saver normal es excambiate del programma pro analyse. Le programma demonstra al schermo lo que illo face e como le analyse progrede e le quantitate procentual es preste. - Quando tu nunc move tu claviero o le muro le analyse es interrumpite e le computator es pro tu labor. - Post le periodo quando le analyse es preste un parve icon in tu "System's tray" signala un message (figurativmente): "Per favor, connecte me de novo. Io desira livrar mi analyse e apportar nove material." - Io ha habite mi programma nunc un septimana e le analyse ha usate 18 horas e 66 % del material es preste. Io ha nunquam habite disturbationes causate per iste programma. Io etiam non besonia ager excepte al momentos quando le progarmma me pete connecter. Factos del tote programma de SETI tu trova a http://setiathome.ssl.berkeley.edu/ Esque iste programma es interessante pro nos interlinguistas? Il pote esser si le SETI permitte presentation del programma in interlingua. Io crede que il ha plure personas in le mundo - forsan particularmente le juventute interessate in scientia - que vole participar. Si illes pote vider que etiam interlingua es un alternativo, nos gania publicitate. Il ha jam un dozena de linguas a seliger in le sito e inter illos etiam esperanto. (Naturalmente!) Io ha scribite al "webmaster" e proponite que nos etiam pote cooperar con material in interlingua. Pro illustrar interlingua io ha traducite le pagina principal. (Un schizzo - le pagina debe esser meliorate). Le schizzo es attachate. Io non ancora ha recipite alcun responsa. Io judica que alcun intrlinguistas vole ben adjutar con traduction de altere paginas pertinente al sito si nostre lingua es acceptate. Finalmente io trova regrettabile que io non ha potite usar un terminologia adequate in interlingua re computatores in iste message. Jan -- Jan Årmann/Jan Armann Generalsgatan 12 E; S-903 36 UMEÅ/UMEA, Sverige (Sweden) Tel: +46 (0)90771525; Summer/Estate +46(0)52521485 Mobilphone: +46(0)706594934 Voce messages (multo curte) e fax: +46 (0)902034845 e-mail: [log in to unmask]; reserva: [log in to unmask]; ICQ - UIN nr:785745; http://www.algonet.se/~armann