Pro le nove arrivatas a Interlng, io esseva nascite in Edinburg, Texas. Mais io habitava Salt Lake Citate pro le desde le etate de 5 a 27, alora io habitava Chapel Hill, Nord Carolina pro 4 annos, e finalmente io ha habitava in le region circa Atlanta, GA durante circa 30 annos. (Io es vetere... Un major evento hodie esseva que iste post meredie, sin meetings a que a reunir me o classes a inseniar, io vadeva al bureau local de Securitate Social pro registrar me in anticipation de mi pensionamento al fin de iste estate. Il es un major petra milliari in le viage de vita, in parallela con le prime die que io ha matriculate al schola al etate de 5). Hodie io habita Marietta, Georgia SUA que es circa 32 km de Atlanta al nord west. Io es un professor del psychologia al Georgia Institute del Technologia (Georgia Tech) ubi io insenia le statistica multivariable, le modellos de equationes structural, le mensuration psychometric, e le theorias de personalitate. Io discoperiva interlingua in 1954 in leger Science News Letter e per correspondentia faceva cognoscer Dr. Alexander Gode. In 1961 quando io esseva un practicante in le psychologia clinic pro sex menses al hospital de veteranos in Brooklyn, io visitava Dr. Gode frequentemente a su bureau a 80 east 11me strata in Nove York. A iste puncto io redigeva un littera circular "Le FORO" super themas de interlingua. Alora post maritar me e le comenciamento de mi carriera post 1967, io deveniva accrescentemente inactive con interlingua, ben que io ancora recipeva le litteras circular. Alora in circa 1994 quando io visitava le sito de sci.lang in le interrete, io discoperiva un message postate per Kjell Rhenstrom, un membrato regular aqui, in interlingua. Io respondeva regularmente in interlingua durante le sequente septimanas, e post duo septimanas Frank Pfaff videva mi messages alla e ille deveniva multo enthusiastic con interlingua. Alora ille faceva un importantissime cosa, ille creava INTERLNG pro nos. E Interlng ha essite un sito pro multe de nos in tote le partes del mundo a visitar regularmente con le un le altere. Le veteres aqui (literalmente) es bon amicos, ben que nos ha differentias de opinion que nos non permitte a rumper nostre amicitate. Tote de nos es multo felice del novitiatos juvene aqui. E que illes es feminas es mesmo plus significante pro le futuro de interlingua. Il ha feminas in europa qui scribe e parla le interlingua, mais illas non ha essite multo active in le interrete o a interlng. Potesser le ration es que in europa non multe feminas sape como a usar un machina a scriber. Mais in le Statos Unite ambe feminas e homines reguarda le uso de un machina a scriber como un utilo basic de communication, e illos apprende a usar lo professionalmente. Isto se generaliza possibilemente al uso de computatores. (Isto es pur speculation, mais plausibile, nonne? Illo es mesmo possibilemente pur nonsenso). Stan Mulaik