Le tempore face aere clar e fresc aqui in Atlanta desde duo dies. Heri io e mi sposa conduceva nostre minicamionetta (nota le duple diminuitivos) circa 2 km a le Montania Kennesaw ubi il ha un parco national dedicate a un sito de un grande battalia inter le nord e le sud durante le guerra civil. Le armea del nord habeva sequite le lineas del ferrovia de Chattanooga in Tennessee verso Atlanta. Per sequer le ferrovia, le nord poteva portar lor munitiones e alimentos per via del ferrovia. Mais quando illes approchava Atlanta, le armea del sud, que ha continuemente evitate directe confrontationes durante que illes sperava que le generales del nord facerea un error, ha obtenite un nove general qui voleva luctar aqui. Mi memoria es que le artilleria del sud se poneva al summitate del Montainia Kennesaw que es de altitude circa 528 metros e infanteria esseva ponite super le montania e in le fronte. Le nord debeva fortiar le sud a evacuar le montania proque le artilleria del sud poteva bombardar le ferrovia in le parve valle a basso. Infortunatemente io non rememora como esseva le resultato del battalia. Io e mi sposa non poteva trovar un loco pro parcar nostre automobile al museo. Assi nos vadeva al "mall" (centro de magazines) non lontan de alla e post comprar alcun alimento pro nostre cattos, nos telephonava mi filio secunde e discoperiva que illes esseva a casa in Canton. Assi nos nos conduceva a Canton e habeva un bon visita. Io va informar vos super le resultato del battalia quando nos pote vader al museo dedicate al battalia a un die quando il non ha tante gentes con lor automobiles e locos pro parcar. Stan