Car Amicas e Amicos, le message per Jay Bowks es troppo belle pro me. Io cognosceva le sito, ma Jay ha facite le cosas in grande. Habera necuno motivo de reclamar contra toto iste italiano? Uhmm? In publicar le accentos italian in un e-posta io pensa que on debe emplear le signo del apostropho e renunciar al distinction del accento acute que es presente sol pro le vocal e, in alcun casos. Assi: a', e', i', o', u' como in voluntate = volonta', unitate = unita'. Io comenciava a preoccupar me del silentio in le lista interlng. A Treviso hodie era un die de primavera con +18 grados centigrade e un meraviliose sol. In iste fin de septimana io vole visitar alcun museos (Altino, Ceneda e Treviso, forsan Este) pro revider le representationes del epocha del Veneti, le preromanos. Illos es figuras de animales e personas in utensiles domestic, como fibulas. Io pensa de utilisar los in un fresco que, forsan, io depingera iste fin de mense a Alano con le Maestro Vico Calabro', mi duo amicos japonese e duo alteres artistas hollandese. Illo serea mi prime "muro"! Ciao, Mario Mario Malaguti mailto:[log in to unmask] Strada Bibano, 9 - 31100 Treviso (Italy) tel. (+39) 0422 420790 - fax (+39) 0422 420789 ---------------------------------------------------------------------------- al pagina: http://www.i-gi.com/index.html on pote subscriber le mailing list [log in to unmask], on deve selectionar Mailing list in Interlingua, scriber le proprie adresse de e-mail e postea cliccar le Join List button. ----------------------------------------------------------------------------