>Io ha volite >solmente exprimer mi opinion personal: le fundation de un tal club (con >votationes) me pare completemente inutile e anque contrari al spirito >liberal in nostre rangos. > Car Piet, si le spirito esseva tanto liberal nos non guastarea tanto effortio in arguer pro o contra le uso de [ego] per un persona que ha le derecto de usar le parola in qualcunque forma ille vole assi que ille lo usa in le guida del usage presentate como acceptabile per le IED. Io crede que il es un situation ubi le Academia es establite sin le influentia del vetule guardia del Interlinguanos e que isto nunquam ante esseva facite. Ben, il ha un nove opportunitate pro omne cosas. Nos non necessita le critica de personas non interessate in le Academia, mais nos si necessita le critica de personas que vole exercitar un spirito de cooperation pro le promotion de Interlingua. Como un gruppo active, le Academia es nunc un del plus democratic entitates que representa Interlingua in tote le mundo. Nos admitte que nos pote usar le Interlingua in qualcunque forma cata persona ha gusto de usar lo, mais que omne que vole esser un active publicator de materiales pro le promotion de Interlingua sub le auspices del Academia debe acceptar le standard usage tal como presentate in le lingua vivente in publicationes como Panorama. Isto es un question que nunc necessita esser decidite. Le resultato del votos super iste question essera final ante del inauguration official del Academia. Car Piet, io ama tu devotion al inclusion de vocabulos international. Io ama tu dedication al lingua belle international. Io ama le facto que tu ha inviate un "correction e un excusa" proque io vide in tu actiones un demanda pro comprendimento del scopo del Academia. Si le Academia non es totalmente comprendite il es proque illo es usque nunc solmente un feto al ventre de su mamma. Tosto le parto del baby venira! Qui sape como crescera le creatura? Qui sape le crueltates del mundo que ille experientiara? Qui sape le successos gloriose que lo spera? Io pro mi parte me senti multo felice que nos ha un iniciativa fresc e vivente in le Statos Unite pro le promotion de Interlingua. Sincer e amicalmente, Jay B.