Esteban Avey wrote: > Car amicos, > io pensava que vos, specialmente nostre amicos non-american, trovarea > le sequente articulo de CNN de interesse. Pro me il es multo interessante > proque io sape que in altere paises le precio de gasolina es > bastante plus alte que in le USA, tamen nos americanos sempre > vole plus gasolina a precios plus reducite! Bon lectura! Sin dubita! Un gallon statounitese es un poco plus que 4 litros international. Svedeses, corrige me si isto non es correcte, sed in Svedia on paga circa 8 coronas/litro lo que debe render alcun 32 coronas le gallon. Le dollar US sta in 8.70 coronas svedese! Nostre radio diceva que in Norvegia le precio es nunc plus que 10 coronas norvegian/litro. Lo que significa plus que 40 coronas le gallon. Nunc ego me non recorda le actual curso del corona norvegese, sed ego crede que illo ha un plus alte valor que le corona svedese. Naturalmente in Svedia le plus grande parte del precio es taxas (impostos). Sed le politicos ha discutite un extra possibilitate detraher le costos pro bensina/gasolina pro le humanos in scarsemente populate areas de Svedia. Diminuer le taxas mesme sembla esser plus difficile! Ego spera que iste alte precio del bensina va stimular le recerca de optime e plus viabile medios de combustion. Personalmente ego ha sempre soniate del gas hydrogenic, le qual in su combustion dona solmente aqua, e nulle pollution del medio! Ambientemente