un gloriose die in KeeneAdrian ha scripte: >An omne domos ha palissadas blanc circa le jardines anterior? Alcunos, ma solmente alcunos. :-) >Qual es le population de Keene? 30 000+ personas multos e multos altere que vive in le villages circa Keene, e que veni a travaliar al parve citate. Keene es un citate universitari, ubi nos ha Keene State College e Antioch University in New England, e alsi Franklin Pierce College Anex. Keene se cognosce per le multe firmas de securos que ha su central hic in le citate. Grange Mutual, e "Nederland" Peerless Insurance. Il ha alcun fabricas de machinas como Kingsbury Steel e Markem (pro machinas de inscriber multo famose in le Oriente) e alsi MPB (Miniature Precision Ballbearing of New England) que face partes de precision pro le militares e le avionica. Circa Keene ha multos sitos de interesse historic. A medie hora on pote viagiar al historic Northfield Massachussetts, e alsi un pauc plus per carro on pote visitar le "Un village tal como esseva in le annos colonial." Le personas se vesti in con le mesme modas de ille annos e parla con accento colonial, que multo pare al del UK. A hora e medie al nord on pote visitar le "White Mountains" (le Montanias Blanc) ubi on trova le "Old Man" un facie al precipicio de un monte e alsi incredibile formationes de roccas e sitos pro le ski. Alsi le Mount Washington le pico plus alte al Est del Statos Unite. Hic in Keene nos vive in le region de Monadnock, le montania plus scalate del mundo excepto pro Mt. Fuji que es le numero un nunc. Usque alcun annos retro le record esseva Mount Monadnock, e le nomine significa "Grande Monte" in le lingua amerindian del region. Le nomines es quasi le unic cosa que remane del habitantes original del region. Multos del amerindios de iste partes esseva displaciate per le guerras colonial e contra le indios. Cosa que es multo triste. Ma il ha alcun descendentes e io cognosce alcunos. Un amico mie, John Barradale, que recentemente se maritava e nunc es in Ohio, es parte Abernaki. Nos trova que multe del auto-stratas sempre infoca le Monte Monadnock. E le ration pro isto es que illes esseva construite per coloniantes que usava le camminos que le amerindios previemente usava pro viagiar de un sito al altere. Le "Mohawk Trail" transcurre le montes del region e cata anno il ha multos que va le distantia total o parte de illo, on non necessita esser un Alpinista, ma haber un bon disposition e bon salute es quasi un requirimento. Io ha scalate le Monte Monadnock dece-tres vices e medie. Le medie esseva mi prime attempto proque il esseva multo tarde e on non debe passar le nocte in le montania assi que nos debeva tornar. Ma il esseva multo bon camminar le parte multo scenic pro exercitio. Nos non vadeva con necun persona experientiate. E depois del prime vice io deveniva le persona que portava materiales de soccorro in caso que alcun accidente occurreva. Duo vices nos habeva injurias, e il esseva proque le amicos non poneva attention e non sequeva le cammino marcate. Il pote esser multo periculose. Un vice mi octave ascenso (il es como duo horas e medie desde le puncto medie al zenith) io trovava un gruppo de italianos, como vinte de illos que iva per le cammino. Io parlava con illes usante un mixtura de espaniol, interlingua e mi parve vocabulario italian. Nos habeva multe surprissa poter parlar e excambiar ideas in re le montania e le vita in general. Nos excambiava adresses, ma regrettabilemente, como va le vita nos nunquam faceva contacto depois de illo. Le vita es assi. E si illes habeva email io sape que nos poterea haber mantenite un conversation active :-))) E mesmo alcun de illes esserea membros del Interlng hodie;-) >Me fascina le villages de Nova Anglaterra como >depingite de Hollywood. An le realitate es similar? De facto Keene ha servite de scena pro numerose filmes American. Uno vetule es "Summer" e le casa que appareva in le film es in veritate in le strata appellate "Summer St." Alsi le filme "Jumanji" esseva filmate in Keene, NH. Ma nos non ha elephantes o simias in le stratas como in le filme :-))) >Sape tu que in Australia il ha un region que se appella Nova Anglaterra? Multo interessante. E esque illes alsi ha un accento Bostonian? :-))) Heh! Pahk the cah in Hahvahd Yahd ??? :-))) Quando io veniva a New Hamshire pro studiar al Universitate io audiva le accento multo clarmente. Nunc depost le annos le accento me pare multo natural e io non lo discerne como estranie. >Cordialmente >Adrian Gratias pro le questiones, e nunc io vole saper alco de tu citate Adrian... Dice me como es le area ubi tu vive, per favor. Sincer e amicalmente, Jay B.