Car amicos e amicas

Jay ha scripte:

>Gratias pro le questiones, e nunc io vole
saper alco de tu citate Adrian...
Dice me como es le area ubi tu vive,
per favor.

Alora... io habita a Concord, un municipio con approx. 30,000 personas (como Keene) justo in le centro demographic del Cumberland Plain. Iste plana contine plus de 4 milliones de personas. Le urbe le plus famose in iste conglomeration es Sydney. Mais illo include etiam 'Parramatta' le sito del secunde colonia qui ha preservate un manata de edificios del seculo deci-octave. A proposito, celle nomine significa 'le loco ubi se cuba le anguilles' in le lingua del populo Dharuk.

Generalmente le habitantes local refere a  tote le conglomeration per 'Sydney'. Sed il me sembla que in un altere paises on recognoscerea multe citates differente. Pro exemplo, le citatanes de Oakland generalmente dice que illes habita a Oakland e non a San Francisco, nonobstante que il ha solo un riviera que los separa, vero? Io ha remarcate attitudes simil a Paris que ha limites distincte. "Sydney" non ha tal limites distincte. (E ecce un del rationes pro le expansion incessante del suburbios - cata habitante de un nove domo al frontiera urban pote dicer "Io es sydneiese" le qual sembla haber un certe prestigio hic.)

Concord es plus que un mer division adminstrative. Illo ha multe traits de un urbe rural. Il ha campos con cavallos e multe parcos e le homines es gentil e relaxate e sin pretension. Io habita qui in un domo typic del annos trenta con mi sposa e quatro infantes. Nos nos trova proxime a Homebush Bay, le sito principal del Jocos Olympico de 2000 e al riviera "Parramatta" qui, un pauc plus al est, deveni le famose Porto de Sydney

Io travalia a Sydney (central) - a vinti-cinque minutas per le train, pro un firma qui designa e construe paginas pro le Web (le Tela Transterrestre).

Io poterea scriber tanto sed infelicemente mi pausa de lunch ha jam finite.

Si mi historia interessa a alicuno, dice me le thema qui te interessa le plus e  io continuara deman.

Al rescriber
Cordialmente
Adrian
http://www.geocities.com/Athens/Styx/4423