At 09:16 +0200 30-04-2000, Jan Årmann wrote: >Sia benvenite in nostre movimento! Gratias. >Io sape que plure interlinguistas ha experientias como le tue. Illes >ha discoperite esperanto e forsan lo apprendite e postea illes ha >discoperite interlingua e lo trovate multo plus belle e avantagiose. >Illes ha lassate esperanto. Io mesme ha nunquam habite le motivation a apprender esperanto proque illo non es usabile exterior del communitate esperantista. Iste usabilitate immediate e quasi universal (in Europa si non in toto le mundo) es mi plus grande motivator a apprender interlingua. Su beltate es pro me un avantage significante ma non essential. Esperanto in se appare esser functional nonobstante, pois que le movimento esperantista appare esser ancora multo plus grande que le nostre (si lor presentias respective sur le Web es alcun indication). Ben que io ha grandissime respecto pro su conductores, io lo trova difficile de evitar le impression que le movimento interlinguista forsan ha un problema de "public relations". Examinante le diverse sitos Web e gruppos de novas Usenet del movimentos de linguas auxiliar, io ha anque remarcate un alte grado de rivalitate e de aggression inter los, lo que io trova infortunate. >Io sape le signification in italiano de "strega" (svedese "hxa", ia >"maga"). Illa mesme ha eligite iste nomine secunde como un expression de su personalitate introvertite, independente e eccentric. Mi inamoration de la dicerea qualcosa de mi proprie personalitate... ;-) >Forsan tu amate strega ha te informate re le Incontro Nordic >pro interlingua in Svedia le ultime septimana de julio. No, ma io ha trovate qualque referentias a lo sur le Web. >Nos expecta participantes non solmente ab le paises nordic sed anque >ab Nederland e Romania. Io spera que vos pote participar. Per favor, >visita http://www.interlingua.nu o http://www.algonet.se/~armann ubi >tu pote trovar information de iste incontro. Naturalmente tu pote >contactar Ingvar Stenstrm a [log in to unmask] o me al adresse in >infra. Tu pote anque contactar tu compatriota Piet Cleij, Secretario >General de nostre movimento, qui tu trova a [log in to unmask] Ille e >su sposa forsan anque va participar. Gratias pro le information. Io non sape si io potera venir, ma io va considerar lo. Il dependera sur mi situation financial, in plus esque mi desiro a trainar interlingua in le presentia physic de altere personas pesa plus que mi difficultates innate de interaction social (io ha un handicap neurologic que rende lo exhauriente pro me). >Benvenite a interlingua - Vlkommen till interlingua Gratias de novo. :) Io va penser a facer un version de mi pagina Web personal in interlingua... - Martijn P.S. Un aviso: A fin que le litteras svedese (å, ä, ö) o altere characteres international attinge a tote le membros del lista, on deberea regular su programma de eposta a enviar messages in le formato "quoted-printable". Le arrivata intacte del characteres non-ASCII enviate in le formato "8-bit" non es garantite (per exemplo, mi provisor de Internet eradica los). -- Martijn Dekker http://www.inlv.demon.nl/martijn/ [log in to unmask] [log in to unmask] ICQ#13344793 AIM: McDutchie PGP key-ID: DBF26675