Martijn, Mi leger del novas mundial indica que le chinese hodie ingagiar se in recerca del modification genetic. De facto illes facer lo probabilemente plus que le americanos - illes ha un exigentia de provider le nutrimento a billiones de gentes. Il es semper possibile a producer un exemplo in que scientistas ha essite erronee in asserer que il ha necun problems in mangiar isto o aquelle nutrimento. Le problema es si on es totalmente sceptic de tote tal assertiones a un grado irrational. On non pote probar un negative ni un positive in un maniera absolute. Io non crede que tote formas de grano modificate geneticamente es bon - probabilemente le probas pro le securitate pro humanos es melior que pro altere species, como le caso de maiz que es designate a resister certe predatores insectas in forma larval, cuje polline es alora toxic pro certe papiliones. Io non crede que nos debe crear racias de granos que es resistante a herbicidios, proque alora illes pote devenir mal herbas tanto ben. Iste cosas nos sape a causa de probas scientific e nos pote facer decisiones rational basate super le evidentia. Mais a esser totalmente sceptic de tote pretensiones scientific non es rational. Le mesme scientia crea nove drogas pro curar le maladias - e io opina que mesmo europeos non es tanto terrificate per istos como americanos, qui require multo alte standardes de proba ante que le drogas es approbate pro vendita in le Statos Unite. Multe drogas es introducite in Europa multe annos ante que illes es acceptabile a regulationes governamental in le Statos Unite. Amicalmente, Stan