On dice que in le medie del octave seculo, post Carlomagne habeva reunificate le plus grande parte de Europa del Occidente sub le nomine de un nove Imperio Roman, il deveniva apparente a toto que il non habeva un standard maniera de parlar le latino, benque in cata region le ecclesaticos credeva que cata un parlava le ver latino. Proque le latino esseva le lingua commun del ecclesia e iste nove imperio, il esseva necesse de discoperir le standard via de parlar le latino. Necuno in le continento sapeva exactemente como le ver latino esseva parlate. Finalmente, on decideva que un scholar anglese, Alcuin, lo sapeva, e ille esseva transportate a Gallo pro reformar le pronunciation del latino in le nove create scholas a Tours, OrlŽans, Corbie, Metz e Lyon. On pote dicer que lo que le scholares latin hodie parla es un anglificate latino, nonne? Heh, heh. Mais un effecto plus influential pro le futuro del latino e le linguas romance, esseva que le populo esseva ora inseniate de parlar le latino, littera per littera, exactemente como illo esseva scripte, secundo le nove systema. E isto obviemente esseva un lingua differente que lor proprie linguas materne (inseniate a illes per lor matres al casa). Le latino scripte non esseva justo un plus formal variante de lor linguas maternal, mais un lingua extranee. E lor linguas materne esseva linguas distincte tanto ben. Assi le recognition del linguas romance se nasceva. Stan