Car amicos: Gratias a vostre commentos io ha revidite con plus interesse le essayo de Dr. Bakonyi "Civilization e lingua universal". Io crede que iste libro es forsan le plus importante scripte integremente in nostre lingua -anque disponibile in internet- e malgrado le estilo un tanto estranie del interlingua del Dr. Bakonyi, nos debe recommendar lo al nove interessates como un exemplo del capacitate literari del lingua pro exprimer un tema complexe. Mi proposition haberea le utilitate de demonstrar al publico sceptic que interlingua pote esser usate pro transmitir ideas, con le mesme richessa e flexibilitate de qualcunque lingua national, sin invidiar nulle cosa a illos. Pro nos isto pote esser obvie, ma multe gente crede que le linguas construite non poterea competer con linguas "natural" in expressivitate. Dr Bakonyi monstra con su prosa brillante que isto esse solmente un prejudicio. A revider. Horacio