AFIL - Association Finlandese Pro Interlingua KivA-06A Allan Kiviaho 2000-06-11 1(1) --------------------------------------------------------------- [log in to unmask] [log in to unmask] [log in to unmask] KivA-06A d[000611] x[Allan Kiviaho] s[Interlingua e Europa] -------------------- INTERLINGUA E EUROPA -------------------- Estimate Interlinguanistas! 1 Anglese e francese, linguas degenerate Pronunciation de interlingua e latino son le ideales pro le lingua commun de Europa Continental. Le plus grande menacia pro iste ideal es anglese. Si on ha como criterio que le grado de degeneration del lingua ideal depende del discrepantia inter iste lingua e le interlingua o latino, forsan le plus "degenerate" lingua es anglese, que ha quasi nihil in commun con interlingua e latino in re pronunciation. In plus anglese manca connexion inter le phonetica e scriptura in general. Altere lingua "degenerate" es francese que etiam ha un systema peculiar (= non-interlingual -latin) del phonetica/scriptura. Le resto del linguas europee son plus o minus "normal". 2 Menacia del "triumvirato non-sacre de arrogante e hegemonistic linguas grand-fraternal" Un menacia es le "triumvirato non-sacre de arrogante e hegemonistic linguas grand-fraternal" (Anglese - francese - germano). Le director del Instituto de Jean Monnet (Le patre spiritual del Union Europee) al Universitate de Turku, professor Esko Antola ha advertite contra un eventual directorate de iste tres statos que poterea dictar decisiones super le capites del minor statos in le Union Europee. 3 Nucleo dur in le UE Benque nunc il appare que Germania tenta fundar un nucleo dur in le UE. Iste nucleo consisterea de statos original del UE, Germania, Francia, Italia, Nederlandia, Belgica e Luxemburg. Iste nucleo par- larea forsan francese, germano e italiano. E le resto del UE anglese? 4 Le grande strategia de Interlingua Le grande strategia del movimento pro interlingua debe esser: 1. Interlingua le sol lingua commun in le Union Europee e omne linguas national esserea equal linguas secunde. Si il non es possibile ... 2. Interlingua le lingua commun de paises que remane foras del "triumvirato" o "nucleo dur". Interlingua como le sol lingua commun le ultime scopo etiam in iste caso. 4.1 Anglese, un alliato del Interlingua? No! Stan Mulaik 000202: Io opina que il non es necesse de attaccar le anglese como lingua auxiliar international. Ubicunque va le anglese, illo porta le interlingua con illo. Stan d[000206] x[Allan Kiviaho] KivA-026b s[Anglese como lingua franca? No!] "Anglese porta le interlingua con illo?" Io non so de accordo del toto! Anglese es un lingua multissimo hegemonistic e aggressive como anque le politica mercantil del Statos Unite. Ubicunque va le anglese, illo porta le ANGLESE con illo, nunquam Interlingua. Proque esserea le stato- uniteses (e regnouniteses) interessate super divulgation de interlingua? "English is the best language in the world and the best choice for all the peoples ...!" Le cognoscentia e interesse de linguas estranier es micre inter le statouniteses e regnouniteses si comparate con le nationes europee continental. Io pensa que tote le Europa continental deberea resolutemente resister le hegemonia de anglese e relegar lo a un position proprie, como un lingua national inter le altere linguas national. Nos debe anque resister in Europa le tyrannia del trippelalliantia non-sacre de linguas hegemonistic grandfraternal, FRANCESE-GERMANO-ANGLESE. 4.2 Le salvation de culturas europee es: INTERLINGUA como lingua practic commun e un equalitate total inter le linguas national! Mi opinion personal: Naturalmente tote le Europa poterea adaptar anglese como su lingua materne. Sed isto esserea FINIS EUROPAE in senso cultural. Io (como le ex-presidente de Finlandia Mauno Koivisto) adhere a iste philosophos que mantene que "Le cultura de un nation vive e mori con su lingua." Anglese es un lingua improprie pro le europeos continental. Su pronunciation es multo peculiar. Le vetere interlinguistas memora le reaction de Frank Pfaff quando ille arrivava al conferentia de UMI in Strasbourg 1997: Senior FFFF comprendeva nihil! Sed como un persona intelligente ille tosto apprendeva le pronunciation roman. Un passatempore popular de professores de facultates classic in universitates europee es imitar pro le juvene studentes como le statouniteses pronuncia latino in conferentias international de latinistas. Ben, anque le franceses non son grande expertes in pronunciation del latino e a pronunciar anglese es quasi impossibile pro le finnos. Si anglese esserea le lingua franca in Europa on deberea inventar special nomines anglese a personas e locos. P.ex. un cognite communitate in Lapponia finlandese "Ivalo" deberea esser scripte como "Eevaloh", alteremente illo esserea pronunciate como "Aivalou". Le pronunciation de anglese es exter reformas, illo es multo nimis turbide. Allan Kiviaho 000611: Ante alicun dies Finlandia participava le prime vice al manovras militar del OTAN (in Norvegia del Sud) con omne tres brancas de su fortias de defensa, le armea terrestre, le fortias aeree e le marina de guerra. Interessantemente le nave del bandiera era "Pohjanmaa", un nave de minas finlandese, que portava nostre nove presidente Tarja Halonen a Estonia pro su secunde visita official al paises estranier. Le novas in le Television Finlandese diceva que le communication radio inter le naves ex varie paises era un fiasco - le marineros non comprendeva le anglese de alteres proque le disturbantias in le traffico de radio. Interlingua con su vocales e altere pjonemas clar esserea un melior lingua pro communication militar inter le alliatos. 4.3 Le motivo principal pro Interlingua in loco de anglese como lingua commun in Europa: LE IDENTITATE E FERITATE EUROPEE! Un scopo central del Union Europee es le paritate con le Statos Unite in economia, scientia e techno- logia, specialmente le technologia alte. On ha comenciate in le UE un projecto "eEuropa" (o "eEuropa 2002"), cuje director es un commissario finlandese del UE, Erkki Liikanen. Vide: http://europa.eu.int/comm/information_society/eeurope/index_en.htm Pro successo nos besonia un lingua commun e un ideologia europee, nostre hereditage greco-roman, Carolo le Magne, Union Paneuropee, Union Europee. Salutante Allan Kiviaho