Car Interlinguistas e altere amicos: Tu pote participar in le cerca per vita intelligente extra-terrestre con le salva-schermo ("screensaver") "SETI at Home" le qual on pote obtener del sito setiathome.berkeley.edu (le acronymo SETI significa "Cerca per Extra-Terrestre Intelligentia," qual in anglese es "Search for Extra-Terrestrial Intelligence"). Quando le salva-schermo es operante, illo analysa un bloco de dato recipite por un radio-telescopio per signales que pote esser generate per un civilization extra-terrestre. Quando le analyse del bloco es completate, le information es mandate al sito setiathome.berkeley.edu e un nove bloco de dato sera recipite per tu computator per esser analysate. In iste maniera le computatores del 2,000,000 personas usante le salava-schermo forma un super-computator que pote analysar un quantitate immense de dato. Cordialmente (e sperante per ET), --Julio Dobkin