Roberto, Mi lingua materne es anglese. Mais pro me, interlingua ha valor. Io pote usar lo a communicar in le web e in le interrete con individuos in France, Italia, Espania, Portugese, Barcelona, Brasil, Quebec, e le varie paises latinoamerican. Mario aqui es italian. Ille vole apprender le anglese e pote leger lo un poco, mais ille usa interlingua mesmo con italianos como le "italiano international". (Le italianos parla multe dialectos, alcun de que es quasi linguas distincte romance). Io equalmente usa interlingua pro comprehender le etymologia del elementos latin e grec in anglese. Interlingua es un lingua natural e conserva le radices e affixos in lor formas le plus international. Io non crede que io parla un lingua artificial o innatural. Interlingua es un lingua romance - con un grammatica facile. A causa de mi interlingua io pote comprehender quasi tote le linguas romance in lor forma scripte. Io crede que illo es un melior ponte inter italianos e espanioles que a usar lor proprie linguas, proque interlingua es plus in le medio de illos. Io equalmente pote communicar a amicos qui usa tamben interlingua - gentes in Sveda, Italia, Espania, Brazil. Stan Mulaik >Il ha alcuno in iste listo que non parle anglese? >An il ha alcuno, ergo Io pensa que Interlingua >habe valor grande... > >Roberto