Gratias a Edo, Ensjo, Paul e Stan, qui ha facite correctiones e commentos pro meliorar le previe sectiones del traduction de Patres Fundante; e multe gratias a Bent, un lector de probas qui ha attentivemente legite tote le partes traducite e ha facite multe suggestiones utile pro cambiar los. Infelicemente, io accidentalmente ha oblidate facer alcun correctiones ante que io ha mandate los, ma quando io ha traducite tote le partes io mandara un version final del articulo complete. --Julio Traitor Fundante Un homine qui certemente non era un Fundante Patre era Benedict Arnold, ma ironicmente ille era le sol general american in le Guerra Revolutionari excepte Washington le nomine de qui es quase universalmente cognoscite per americanos hodie . Post vincer le Redcoats in le Battalia de Saratoga in 1777, ille era malcontente e pensava que ille non era bastante appreciate, e ha devenite un spion pro le britannos. Depost ille ha fugite a Anglaterra, e hodie in le Statos Unite su nomine es un parola colloquial: un "Benedict Arnold" significa un traitor. Ma su descendentias qui ancora vive in Anglaterra disputa le historia que ille ha cambiate su fidelitate per causa de vanitate personal e dice que su motivo era le bono del colonias.