Viste que plure del contributores de iste lista habita le Statos Unite il forsan non es un novo al participatores ci. Per iste lista ego ha certo apprendite plus in re le Statos Unite quam de omne le films televisive que ego ha reguardate. Fascinante es, pro exemplo, le attitude verso religiones. Ma on pote demandar se pro que on va usar interlingua si non - in un tono amicabile e attentive - discuter le cosas que nos differe. Sancte celo! pro italianisar un poco*, pro que va nos usar le lingua si non pro discuter? Il esserea un cosa totalmente fabulose si nos habeva consenso, nos viventes in le paises Nordic, in Europa del Sud, in Statos Unite de America, Mexico, Brasil? Nos ha varie traditiones et vive in varie stratos social. Ecce un extrememente interessante cosa. Qual enorme potential de interessante experientias intellectual! Ha il senso leger un libro quando nos ha interlingua como un simplemente stupende medio de intercambio de pensatas? Vamos discuter: pena capital, abortos, religiones a traverso et verticalmente, le Union Europee, nove stato del fratre senior o un gloriose nove mundo, o un futuro del benesser? Ego vive in un pais ubi le majoritate del population, infelicemente, pensa que le Union Europee es alque que le catto ha trahita al casa! (Que le populo vermente votava in favor de que Svedia vadeva adherer al union es un effecto de manipulation! dice le parte del perditores). Brussela es le loco ubi on decide toto? Et in facto personas individual ha ganiate processos contra autoritates svedese gratias al Corte de Europa in Strassburgo. Certo nos ha cosas interessante de discuter. Que nos face isto!