Kjell habita le Svedia, Mario habita le Italia. Securmente nos duo debe esser commode, nos ha spatio. On Friday, July 07, 2000 7:30 AM, Kjell Rehnstrom [SMTP:[log in to unmask]] wrote: > Viste que plure del contributores de iste lista > habita le Statos Unite il forsan non es un novo al > participatores ci. Per iste lista ego ha certo > apprendite plus in re le Statos Unite quam de omne > le films televisive que ego ha reguardate. Nos participa in modo active, isto debe esser le avantage del lista in comparation a un film. > Fascinante es, pro exemplo, le attitude verso > religiones. Ma on pote demandar se pro que on va > usar interlingua si non - in un tono amicabile e > attentive - discuter le cosas que nos differe. Le poner del limites es jam un non-senso. > Sancte celo! pro italianisar un poco*, pro que va > nos usar le lingua si non pro discuter? Senti isto ab le italian del tempore de mi schola: Sancte deo, sancte madonna, tostos ha le scarpas de gumma; sante madonna, sante deo, le scarpas de gumma los vole anque eo (*) (*) gumma pro cauhu; eo es io! Le intercalar es un costume italian que non guasta, si illo resta in terminos de politessa. > Il esserea un cosa totalmente fabulose si nos > habeva consenso, nos viventes in le paises Nordic, > in Europa del Sud, in Statos Unite de America, > Mexico, Brasil? Nos ha varie traditiones et vive > in varie stratos social. Ecce un extrememente > interessante cosa. Qual enorme potential de > interessante experientias intellectual! Io es de accordo. Isto es le latere melior del lista. Nos discute como si le differentias non sera un realitate, ma nos apporta nostre realitate, sempre. Le lista ha un function de avvicinemento inter nos. > Ha il senso leger un libro quando nos ha > interlingua como un simplemente stupende medio de > intercambio de pensatas? Si! Pro me leger un libro ha sempre senso, ma tu non voleva dicer un cosa diverse del mie, tu voleva simplemente evidentiar le immediatessa del lista, su function practic e quasi quotidian. Io apprecia iste possibilitate de participation. Ille qui dice le melior tene banco. Tener banco es un expression italian antiquissime, ab le tener banco nasce le activitate del bancheros. > Vamos discuter: pena > capital, abortos, religiones a traverso et > verticalmente, le Union Europee, nove stato del > fratre senior o un gloriose nove mundo, o un > futuro del benesser? Sempre e solmente illo que a nos passa pro le mente, sin restriction si non le bon gusto e le politessa. > Ego vive in un pais ubi le > majoritate del population, infelicemente, pensa > que le Union Europee es alque que le catto ha > trahita al casa! (Que le populo vermente votava in > favor de que Svedia vadeva adherer al union es un > effecto de manipulation! dice le parte del > perditores). Pro discuter: io ha sentite que le Svedia sera admittite a Eurolandia. Ha io intendite ben? Como, iste misere Euro, face ancora proselytos? > Brussela es le loco ubi on decide > toto? Le austeriac Haider, rememora vos? era iste vespera a Jesolo, hic a poco chilometros de Treviso, pro reciper le claves del citate como simbolo de amicitate con Carintia. Haider, honorate e contestate insimul in concordantia al bon tradition italian, ha declarate su contrarietate al projectos del Presidente Francese. Le Europa, ille substene, es le integration del Paises Europee e non le negation del preciositate del parve Paises Europee. Iste ideas in mi Veneto, ubi le personas non ha dimenticate le proprie historia de 1,200 annos de stato libere e soveran, es como auro pro le aures. No! Nos non debe timer le Europa, illo sera solmente nostre casa commun, nihil altere e nos sera sempre nos mesme. Inter nos: Carintia e le Tres Venetias es regiones mebro de Alpe-Adria, un libere communitate que facera su strata. > Et in facto personas individual ha ganiate > processos contra autoritates svedese gratias al > Corte de Europa in Strassburgo. Pro non parlar de iste realitate in Italia, le Pais del Derecto! ubi pro obtener un sententia nos attende plus de dece annos. Europa es anque le totalitate del Paises de Europa que servi a mantener un melior nivello de vita pro totos, ubi isto es necessari. Nos duo ha evidentiate un realitate commun pro Italia e Svedia, per exemplo. Ah! In le dies passate un statistica del communitate poneva le nivello de vita in le tres regiones venete al nivello de illo del Svedia e del California. Ben pro nos. > Certo nos ha cosas interessante de discuter. > > Que nos face isto! Nos duo non pote concluder sin un observation al tempore de hodie: plus de 33 ?C. a Treviso, ma anque 45? in alcun localitates del Pulia. Iste nocte a Treviso il menaccia temporal. Un bel temporal nettara le mar e le aere. Postea un nocte de temporal io es solite de ascender al Monte Pallone, 1,380 metros supra le nivello del mar a 40 chilometros de mi casa. Le loco es un balcon supra mi region, io pote observar ntide ab Istria al Colles Euganee e, si io me verte al nord, io ha le majestositate del Dolomites. Le facto es que dominica Treviso sera assediate. Le automobiles non potera entrar ni sortir del citate perque on completa le nove Plano Urban del Traffico que es un complete rotation de sensos unic. Le Plano se completa con le senso unic in le avenues que curre lunge le mura(lias) del 1.500, un anello de plus de cinque chilometros. Nihil automobiles deman. Ma Treviso es belle super toto pro ir a pedes. Ciao, Mario