Car amicos, Post le reception del information de Ingvar Stenstrom super le sito francese de Laura in lequal on ha comenciate a discuter super le thema del lingua auxiliar, io ha inviate a iste sito un assatis longe message explicative in interlingua. Io ha constatate que Laura lo ha publicate in le lista. Ma illa ha reagite anque con le requesta polite de scriber in francese. Ante alicun minutas io ha retornate al sito de Laura e videva que anque Ensjo ha inviate un message, ma io non poteva retrovar immediatemente mi message del postmeridie. Finalmente io lo ha retrovate in un loco celate. Salutes amical de Piet