Gratias a Bent, Ensjo 3 Kjell pro lor adjuta con le traduction.
--Julio
Ubi son le Matres Fundante?

Le littera a Abigail Smith Adams de su sposo John (le qual io ha mentionate 
antea) era solmente un de multe messages que passava inter illes quando ille 
era al Congresso Continental in Philadelphia. Le 31 de martio, 1776, illa le ha 
scribite: 

   Io desira ardentemente audir que vos ha declarate un independentia. 
E, incidentalmente, in le nove codice de leges que io suppone que il 
sera necessari que vos face, io desira que vos memorarea le damas 
e serea plus generose e favorabile a illas que vostre ancestres...
  Si sollicitude e attention particular non es date al damas, nos son 
determinate a fomentar un rebellion, e nos non considerara nos 
obligate per ulle leges in le quales nos ha necun voce ni 
representation.

[I long to hear that you have declared an independency. And, by the 
way, in the new code of laws which I suppose it will be necessary for 
you to make, I desire you would remember the ladies and be more 
generous and favourable to them than your ancestors...
  If particular care and attention is not paid to the ladies, we are 
determined to foment a rebellion, and will not hold ourselves bound by 
any laws in which we have no voice or representation.]

Isto era, naturalmente, un version del mesme philosophia de libertate que era 
proclamate per su sposo e le altere revolutionarios: necun personas debe esser 
obligate a sequer leges del quales illes non habeva un parte in facer. Ma in un 
societate in le qual pauc personas videva le ironia de un possessor de sclavos 
dicente "da me le libertate o da me le morte," le extension del idea que "tote le 
homines son create equal" ["all men are created equal," como Jefferson ha 
scribite in le Declaration de Independentia] pro includer feminas non era obvie. 
Pro le majoritate illo non era pensabile, e quando le nove republica era fundate le 
derecto de votar era date solmente a homines blanc qui possedeva terra. Il non 
era ante le seculo XIX que tote homines blanc poteva votar, an illes possedeva 
proprietate o non; le derecto a votar non era legalmente garantite al homines 
nigre ante 1865; e non ante 1920 era le derecto extendite  "al damas," qui era 
includite solmente post que illas habeva "fomentate un rebellion," exactemente 
como Abigail Adams habeva predicite.

Dunque durante le Guerra Revolutionari, dum grande numeros e homines e 
feminas se opponeva al britannos, e se suffreva sub lor dominio, e travaliava e 
sacrificava pro facer un nove societate, le parve gruppo de leaders era 
completemente masculin. Le majoritate del americanos sape le nomine de 
solmente un femina qui habeva un parte in le revolution: Betsy Ross, un sartrice 
de Philadelphia. Le historia dice que illa era ingagiate per le Congresso 
Continental pro designar e suer un bandiera pro le nove nation que le 13 colonias 
ha formate. Illa ha create un bandiera con 13 strias rubie e blanc (le colores del 
uniformes del soldatos britannic) e 13 stellas super un fundo azur (le color minus 
conspicue preferite per le truppas del rebellos).

Le veritate es que iste historia de Betsy Ross appareva solmente in le seculo 
XIX, quando su granfilio comenciava dicer que illa habeva create le bandiera 
american. Evidentia historic pro confirmar le historia non existe, e in tanto que on 
sape, su granfilia ha create su historia (excusa le joco de parolas) "de drappo 
insecate. "


Copyright 2000 per Jonathan J Dobkin.