Car Amicas e Amicos, solmente dece-septe dies retro io scribeva, inter altere On Saturday, June 17, 2000 12:56 AM, Mario Malaguti [SMTP:[log in to unmask]] wrote: > Heri io ha habite un mal notitia e in iste momentos le poesia pote > soccurrer te perque nos es sentimentos e momentos de vibration. Iste matino, durante que io scribe iste message, mi unic fratre attende, tote sol, in su parve camera de hospital, le proxime hora noven, quando ille sera operate pro le extirpation de un ren, a causa de un tumor diagnosticate, on spera, multo a tempore. Un homine grande e grosse, le manifestation del sanitate. Un assidue donator de sanguine, qui annos retro esseva premiate con le medalia de auro pro su donationes. Pro isto subjectate constantemente a analyses, que resultava sempre con parametros intra le valores del normalitate. In le arco de un medie mense ille apprende iste notitia e me telephona, intra le prime personas. "Car Mario" ille me diceva "Io ha un locatario (1)". "Que ha tu Gianni?" "Un tumor a mi ren sinistre, infelicemente Mario." Que face tu, in iste circumstantias? Que pote tu facer? Quando poc parolas suffice pro describer un realitate como isto. In iste dies io ha habite mi fratre constantemente in mi pensamentos. Sempre, in omne momento. Io cercava de impegnar me de plus in toto illo que io faceva, pro non pensar. Nihil! Tu es sempre ibi, in tu mente tu ha sempre le mesme presentia. Que pensara Gianni in iste momentos? Io senti que ille es presente e que ille in iste momento pensa. "Le pavor pertine a nos, Gianni, non facer te precaution de demonstrar tu pavor. No, non facer te precaution! Si tu sape como facer, ascolta te mesme, tu non ha altere que tu pote facer, trova te mesme e isto forsan te donara serenitate e fortia. Nos es sol, in le vita, anque quando nos ha affecto, familiares, amicitate e fide. Ascolta te, fratre mie. Tu non pote facer altere, ora." Anque in iste momentos le unic nostre comportamento possibile es illo de restar nos mesme. Nos e le momento. Il es sempre assi, solo que nos non percipe sempre iste realitate. Ma in veritate nos vive sempre e solmente le momento presente. "Io es iste momento, fructo de mi passato, semine de mi futuro." Haber pavor es un sentimento human que nos non debe reprimer. Esser nos mesme e viver noste momento actual non exige iste sacrificio que non servi a nos, ni al alteres. Ascolta te mesme. Si! Isto es le momento pro facer lo. Fortia, fratre mie, mi Little John! Amicas e Amicos, in iste momentos nos pote facer poco. Le habitudes es un compania e con iste message io ha trovate le modo pro esser con vostre amicitate, e minus sol in iste momento. Mario (1) locatario, a renter, uno qui deberea pagar le location; con iste termino mi fratre me ha annunciate su maladia.