Heri io iva al MacWorld Expo in NYC. Il era multo interessante! Steve Jobs de Apple faceva le introduction del nove computatores. Un blanc iMac, que nunc sera appellate le "nive", "Snow", e le "Cube". Ma le Cube non es un nove iMac, illo es totalmente differente, illo es tanto grande como un tostator de pan del annos 1950s. E le costo sera US$1700.oo sin monitor. Le monitores sera optionalmente acquirite :-) uno pro US$ 499.oo de 17" diagonal, un altere plano-digital pro US$ 999.oo e un altere digne de exclamation que es gigantesc pro US$ 4000.oo Le Cube es multo rapide e contine un G4 processator, o duo depende in le optiones que vos vole comprar. E pote haber duo Gigabytes de RAM installate. Claro que le computator de minus costo solmente venira con 64Mb :-) Solmente bastante pro usar lo como un Machina pro le Internet e processar documentos. Ma con le altere optiones on potera editar filmes in formato NTSC/PAL/Secam e publicar los multo professionalmente. Le nove "mus" (ratto:mouse) es un eunucho. Illo non ha bollas :-))) le position del mus es calculate per un laser infra, al ventre del mus. e le tote superficie del mus pote esser le button, con tres punctos de depression pro cliccar. In altere novas Apple alsi introduceva durante MacWorld Expo le nove systema de operationes pro Macintosh. Le systema es appellate OS X, e le X es le numero dece in le numeration del Romanos. Assi que on dicerea OS Ten. Ma le trucco es le nomine tamben face referentia a su base de operationes. Le nove systema es basate in Unix. Ma il era multo comic como le introductor del nove systema lo describeva... Ille diceva que le nove systema es "developpate sub un base similar al de Linux" Heh Heh Heh :-))) Illo volerea dicer que le infrastructura es basate al maniera de "unix-clone". Ille non me pareva un locutor multo intelligente in re le cosas computatorial. Le facto es que quando Stephen Jobs veniva a Apple un altere vice ille insisteva con le demanda que Apple comprava su altere invention appellate Next Computers. E inter su inventiones illos habeva le Next Step OS e le Next Cube. Nunc le circulo pare complete... Ma le nove OS X es multo multo avantiate. Proque illo ha su base in Unix, como le vetule Next Step illo functiona in modo protegite e pro isso si alcun application face un cras! solmente le application se termina e tote le systema es protegine e non se congela al morte :-) Assi que le altere applicatione continua como si nulle cosa occurreva. Microsoft introduceva le MS Office 2001 pro le Mac. Illo pare multo similar al version pro le Windows. Ma con un nove programma appellate "Entourage", illo esseva appellate previemente como "Alpaca" e in veritate pare un mixtura de Outlook e de Microsoft Project. Ma le nove OS X de Apple es multo belle. Illo ha tanto graphicos de colores belle! Assi como lo esseva le Next Step claro, ma differente :-) Ma le Manegiator (Manger) de Fenestras (Windows) ha multe innovationes... Per exemplo... il ha tres buttones como in Windows95+ ma al latere sinistre del fenestra, uno es rubie, como le x, un altere es jalne como le minimisation e un altere es verde como travalia le button de maximisation. Illo pare un lumine de traffico horizontal :-) Le iconos son multo grande, non son como le vetule iconos de iMacs e de Windows. E le "Dock" es como un "taskbar" de Windows95+ ma on pote reducer le grandor del iconos. Le animation del fenestras quando on lo minimisa es multo intrigante ;-) E le maniera in qual le cassas de messages que appare de un programma es alsi interessante, illos non appare per se, ma solmente adherite al fenestra del programma que inviava los al usator, e ille fenestras son translucente. :-) In toto, multe nove cosas appareva al Expo. E le temperatura in Manhattan esseva ideal. Non troppo calide, ma justamente exquisite. Io audiva espaniol, e chinese, e varie altere linguas parlate in le auditorios, ma io trovava un opportunitate pro alcun minutas de parlar in re interlingua e dar varie phrases como exemplos a personas con qui io viagava al Exposition. Il habeva octo altere personas del Districto que viagiava con me a NYC in un vanagon que esseva como un avion e tanto comfortabile alsi. E ben, tal esseva le cosa... Amicalmente, Jay B. -- [log in to unmask] L(©¿©)K! http://adam.cheshire.net/~jjbowks