STAN MULAIK wrote: > Isto es un caso inusual. Mais il es le casos inusual que face nos questionar > le systema del justitia. Certo. Mi pictura del justitia in le Statos Unite es naturalmente mediate via le television et pressa. Ego es multo questionante. Que on pote haber un candidato de presidente qui burla re un persona condamnate a morte crea timor. Ante multe annos quando ego faceva un sojorno in Amnestia international, nos faceva actiones urgente contra le pena de morte. Et ego me recorda un multo interessante responsa que un del membros del gruppo recipeva de un governator de alcun stato. Secundo su argumentation "Le assassinator non habeva excercite misericordia quando le victimas precava pro su vita." Le risco que on face un mis-verdicto deberea detener autoritates del pena capital. In Svedia on audi multe vices de sententias injuste que ha essite revidite. Si ego me non equivoca le ultime persona era decapitate in Svedia in 1909. Alicubi ego ha legite que in le 19e seculo on exsecuteva le humanos per pender los in le furca. Iste exsecutiones era un divertimento popular. Al fin tamen le publico habeva tendentias star a parte del exsecutato et le autoritates (le carnifices e lor adjutores) non poteva mantener le ordine. Pro isto on finiva le excecutiones public. On habeva certe "collinas de furca" extra le urbes. Non distante del strata Sköldungagatan ubi ego habitava como infante il habeva al nord un collina que on appellava "Le collina de furcas". Ibi il habeva alcun arbores (pinos) et un grande arenario. In le ultime annos on non ha plus prendite arena ibi et le natura ha, in forma de herba et parve arbores, reprendite le terreno.