Io non ha plus recipite ab lista Interlng iste message que io ha inviate le Date: Mon, 17 Jul 2000 06:17:53 +0200 Assi io lo reinvia. Illo era: Io me diceva: que ha facite io hodie? vide, vide, iste message non termina jammais. Vos debe saper que io rarmente lege le message al monitor, io prefere imprimer los e leger los como io ha sempre legite durante mi vita: supra papiro. Le lectura debe esser un acto de attention e de cortesia reguardo a qui scribe e debe esser un placer pro me mesme: le placer de comprender le thema. Assi le imprimitor non finiva jammais de imprimer: ben cinque paginas. Isto es un message que nobilita le lista! Gratias al autor qui ha pensate a me con tante disponibilitate. E isto es interlingua, un bon exemplo de uso "immediate" de interlingua. Un belle image de vita familiar e de costume. Io poteva vider le scenas, il pareva de leger un conto de un dominica in Italia. ----- Original Message ----- From: STAN MULAIK <[log in to unmask]> Sent: Monday, July 17, 2000 1:55 AM > e il esseva possibile a seder nos > immediatemente e obtenir nostre proprie nutrimento, que esseva > deliciose. Io mangiava troppo. A iste puncto tu non poteva facer altere: magiar troppo, como un italiano. Ciao, Mario Un dubita: illes levava lor bracios al celo! Ille prendeva le puero in bracio! Tu anglicisa bracio ab arm, e io equivocava: iste americanos con le armas!!! Io reclama bracio ab le italiano braccio. Interlingua es anque anglese, ma super toto es italiano! Io notava in Coollist como tu ha rendite ben in interlingua le italiano. Vide tu, que tu ha initiate a practicar le italiano gratias a interlingua? Tu deberea portar tu sposa a Venetia. In Veneto tu interlingua deveni venetian, uno del tante dialectos venete. Tu notarea un certe attention per le locales: ma iste senior ha origines "nostre"? (nostrane in le dialectos venete). Si! Illes notarea in te un certe difficultate a usar le dialecto, ma illes te prenderea per uno qui ha ancestres local. Un tourista que on debe haber in consideration, perque un "nostran" (uno de nos).