Io etiam crede que le derecto de parlar nunquam debe esser prohibite. In veritate, le fascistas habeva credite que le stato ha le derecto a prohibir, sub pena de lege, le expression de certe ideas; le leges que existe hodie in alcun paises contra parolas pro-fascista son, in mi opinion, un victoria per fascismo, perque le statos de hodie continua le tradition del fascistas de usar le poter del stato pro limitar le derecto de parlar. Ma isto non prova e establi le veritate, ni in le caso del statos fascista que prohibi le expression de anti-racismo, ni in le caso del statos que prohibi le expression de racismo. Cellus ha dicite "In un altere conjunctura politic humanos forsan volerea prohiber le instruction in re le theorias de Charles Darwin..." Tu non debe dicer "forsan," Celle, perqueci in le SU quasi 50% del population son "creationistas," qui crede literalmente in le parolasdel Biblia, que le terra era create in sex dies. Nos ha un historia in le SU ab le 1920s usque hodie de actiones legales pro prohibir inseniar le theoria de evolution in le scholas public. In 1999 le junta de education del stato de Kansas ha removate le theoria de evolution del cursos in le stato; felicemente alcun miembros del junta qui era anti-Darwin non ha ganiate re- election in le electiones de 2000, e le majoritate nunquam crede que le theoria de evolution debe esser inseniate. In altere casos in altere statos, le legislaturas del statos ha facite leges que dice que inseniar le theoria creationista es mandatori in le schola public--ma le Corte Supreme ha dicite que iste leges non son constitutional. Io scribera plus de iste subjecto in le futur proxime. C que le genocidio e le evolution ha occurrite, -Julio