1) Qual pais ha un nomine derivite de un tincto? a) Albania b) Brasil c) China 4) Danmark 5) Ethiopia 2) Que es plus pesante: un libra de plumas o un libra de oro? 3) Si un particula massive (alcun cosa que ha massa) non es in motion, le formula pro determinar su energia es E=mc^2, ubi E es energia, m es massa, e c es le velocitate de lumine (io usa le "c^2" pro representar c multiplicate per c; con mi claviero io non pote representar lo in le maniera normal). Ma isto es un simplification de un altere equation pro determinar le energia de un particula massive in motion. Que es iste equation? Le responsas correcte del rogationes previe: 1) "Tene le porta del taverna aperte pro me per nocte e dia Adeo al seminario, adeo al moschea Lassa me ir in mi proprie via" Non, iste non es un extracto del poesia de Omar Khayyam, ma del poesia de Ayatollah Khomeini! 2) Napoli. Si tu crede que Trieste es plus al est quam Napoli, vide un mappa. Similarmente, in le SU, Los Angeles es plus al est quam Reno, Nevada. 3) Nonobstante que Thomas Moore era un anglese, "Utopia" era scripte in latin (como le latinistas in iste liste jam sapeva, io es secur).