*** > Stan, > > Que, secun tu opinion, es le causa-radice de iste problema? > Esque le cultura american subestima le carrieras scientific e > educative relative al carrieras in le mundo de interprisas? > Esque le stato expende troppo pauc monetas pro le systema > universitari e scholar, a causa del mania american (io monstra > mi prejudicios aqui!) contra le impostos, lo que produce un > imbalancia de salarios e conditiones de travalio? O esque il ha > altere explicationes plausibile? > > Amicalmente, > > Chris *** Io opina que il ha plure causas del phenomeno de scarsitate de studentes, facultate in le scientias. Le major ration citate in le pressa es le economia - il ha carrieras plus lucrative in le commercio que in academia. In le universitates on jam ha programmas de studio que cerca a continuar se per attraher nove studentes. Mais istos require nove facultate quando il ha facultate qui se pensiona. Io opina que nos ora entra un era in que un generation, como le mie, de facultate qui entrava le universitates in le 1960s e 1970s se pensiona. Le scholas del ingenieria electric (etc.) a Georgia Tech ancora ha multe studentes. Mais illes debe reimplaciar alcun de lor facultate. In le interim, lor studentes pote obtenir melior positiones lucrative in industria e commercio que como academicos. Assi le scholas aqui non reproduce lor proprie facultate. Mais le problema non es confinate a facultate e studentes del scientias. Le economia ha crescite a tal un puncto que il jam ha quasi complete empleamento. Tote le venditores de Òfast foodsÓ (McDonaldÕs, WendyÕs, Burger King) que usualmente es capace de trovar empleatos in le classes basse, ora ha multe positiones con necuno a acceptar los. Isto es evidente in tote le partes de mi urbo, con signos in le fenestras del venditores, que positiones de empleo es disponibile. Isto va poner un constriction super le expansion del economia. Le Presidente-electe de Mexico visitava Presidente Clinton pro urger que on liberalizar le leges de immigration pro permitter plus mexicanos a venir al statos unite legalmente pro prender le empleos super un base temporari. Nonobstante Clinton non pareva multo enthusiastic super isto. Ancora le industria de computatores ha mandate le governamento a similarmente permitter le empleo de programmatores e altere professionales de India. Le sector de construction usa le obreros de mexico in numeros crescente. (Le anno passate le equipa de obreros qui poneva un nove tecto super mi casa esseva mexicanos - on dice de Texas, mais io non es certe. Le equipa de obreros qui construeva un muro retenente al latere de mi camino de entrata esseva mexicanos. Le chef del equipa habeva un prime obrero qui parlava le anglese, e ille explicava in espaniol al alteros lo que on debe facer. Le Mexico es le Turchia del Statos Unite. In altere parolas, il ha multe rationes pro iste phenomenos. Stan