Car amicos (specialmente Janne e George), In le ultime septimana io ha facite preparationes pro revivificar nostre projecto de terminologia informatic. Il ha nunc un lista pro illo in egroups: http://www.egroups.com/group/iaterm Omne interessatos es benvenite a participar. In le proxime periodo, io intende ager como animator del gruppo, presentante in serie le propositiones (vocabulos proponite) jam colligite per le projecto. Le objectivo immediate es publicar un glossario multilingue de omne propositiones non-controverse. On besonia opiniones super: (a) le acceptabilitate de certe propositiones (b) preferentias inter vocabulos collateral (per ex., 'computator'/'ordinator') (c) correctiones e completiones del equivalentes in linguas national (specialmente le russo). Nota ben: Il me pare importantissime que le producto final pote functionar como un bon glossario multilingue anque pro non interlinguistas. Un tal documento in septe linguas national non jam existe in le web, e dunque le nostre pote attinger un large lectorio, secundo mi opinion.) Propositiones controverse pote esser discuttite, e eventualmente repostate al interlingua-coollist, a fin de includer los in un secunde edition. Io spera a comenciar presentar le propositions le 3 octobre, post terminar un projecto professional satis hectic. Amicalmente, Chris Burd