Excusa me, io es multe tarde in responder al puntos que Stan ha facite re isto... >In le Statos Unite le Presidente del SUA non ha authoritate de intervenir >in le casos de executiones ordinate per le judicios del statos. Solmente >in casos al nivello Federal pote ille interventionar se. Il non es juste >a usar le como un scopo pro tote le objectiones on ha contra le pena de >morte in le Statos Unite. Ma, io nunquam ha dicite que le presidente ha authoritate in le judicios del statos, ni que ille pote intervenir in iste casos! Mi parolas re Clinton era: "Ma mi pais, un de quatro in le mundo que face le plus grande numero de executiones (le alteres son China, Iran, e Saudi Arabia)*, e su presidente Bill Clinton (qui etiam es a favor del pena capital) ha le audacitate de proclamar se le guardiano del derectos human in le mundo!" Si Bill Clinton nunquam ha presidite super executiones quando ille era un governator, e si il non era un pena de morte federal (o si ille opponeva lo), forsan ille haberea le derecto a facer le criticismos que ille face--e a facer le operationes militari que ille face--contra altere paises per esser violatores del derectos human. Ma il ha un pena de morte federal, e le administration de Clinton e Gore ha expandite le categorias de crimines capital federal (in leges proponite per lor Departamento de Justitia-- nonobstante que le mesme departamento ha concludite officialmente que le pena de morte federal es imponite disproportionalmente a minoritates!). Le prime execution federal post le restoration del pena de morte in le SUA in 1976 es planate in minus wue un mense, le 15 de novembre. E como io ha scripte in un previe e-posta (augusto 13): "in 1992, quando Governor Bill Clinton de Arkansas era un candidato pro presidente, ille ha retornate a Arkansas pro executar un homine non simplemente retardate ma con injuria de cerebro, perque Clinton pensava que il era possibile que le Lieutenant Governor (qui ha le potentia de actar in loco del governator quando le governator non es in le stato) commutarea le sententia de morte; isto haberea potite consequentias negative pro le candidatia presidential de Clinton, in iste pais ubi approximemente 80% del population era a favor del pena de morte. Solmente in le anno passate isto nivello ha comenciate a cambiar, e hodie "solmente" 60% es a favor. Ma le leges del Statos Unite (in theoria) non permiti le prosecution criminal de personas qui, per lor manca de intelligentia o de ration, non pote comprehender le consequentias legal e ethical de lor actiones, e le significantia de su situation legal. In le caso del prisoniero executate per Clinton in 1992, ille habeva tanto poc idea de su situation que ille habeva celate un portion de su repasto final pro mangiar postea." Si le pena de morte es un question de derectos human, certemente Bill Clinton es un violator barbaric de derectos human! Forsan illo NON es un tal problema? Stan ha scripte: >Le Corte Supreme non ha determinate que le pena de morte es cruel e >inusual pena que esserea contrari al Constitution del SUA. Assi on debe >convincer le gentes de cata un del 50 statos a mutar lor constitutiones in >le statos. Ma, si le governamento de cata pais ha le derecto a decider qual es o non es un violation de derectos human, necun stato pote esser considerate un violator de iste derectos! Le question debe esser: que es le standard international, in particular in altere paises similar. E certemente, le pena capital es prohibite in quasi omne paises industrializate e democratic. Del poc exceptiones, le SUA ha facite le plus grande numero de executiones in 1999, con 98. Le secunde tal pais in executar personas era Japon--con sex.. In addition a mi punto general re le corte supreme (que un governamento non ha le derecto de decider unilateralmente que illo es exempte del standardes de derectos human), il ha un ration multe plus specific: Iste corte supreme ha dicite, ante dos o tres annos, que LE INNOCENTIA ACTUAL DE UN PRISIONERO CAPITAL NON DEBE ESSER CONSIDERATE per cortes superior in decider si le prisionero debe vermente esser executate! Le sol consideration debe esser si le conviction era tecnicalmente in accordo con le leges re le processo judicial--si illo era, evidentia additional de innocentia, non presentate in le caso original, non debe esser considerate per le cortes que revide le conviction. Io spera que totos pote vider que un corte que dice isto es un corte de criminales, que illo es un ver violator de derectos human. Io ha legite un articulo hodie re le reaffirmation per leaderes europee que le SUA, in su uso del pena capital, es un violator de derectos human: http://news.excite.com/news/ap/001021/16/france-us-death-penalty Forsan io habera le tempore deman pro traducer lo, pro vos qui non pote leger le anglese. -Julio *Io ha usate un statistic date a me per un amico in un e-posta, ma io ha lo scripte de mi memoria; in leger le e-posta hodie, io nota que mi memoria era incorrecte--le altere tres paises son Iran, China, e le Congo (ex-Zaire). Mi amico ha obtenite le statistic in le sito del rete de Amnestia International (AI). In iste momento io non pote trovar le loco exacte in iste sito que ha le statistic-- ma in cercar lo io ha trovate un altere referentia al violationes statounitese del derectos human: http://www.amnesty.org/ailib/aipub/1998/ACT/A5001198.htm Iste comencia: "Le usa del pena de morte pro crimines facite sub le etate de 18 es prohibite per le standardes international de derectos human, ma alcun paises totevia permitte o practica le execution de offenditores juvenil. Iste executiones son poc comparate al total mundial de executiones. Tamen, lor significantia va ultra lor numeros e pone in question le dedication del statos executantes de respectar standardes international. "Le facto que quasi tote le statos cuje leges totevia provide pro le pena de morte ha ratificate instrumentos international que prohibi su uso contra offenditores juvenil confirma le consenso que tal uso viola lege international. "Post 1990 Amnestia International ha documentate executiones de offenditores juvenil in sex paises: Iran, Nigeria, Pakistan, Saudi Arabia, le Statos Unite de America (SUA) e Yemen. Le pais que ha facite le plus grande numero de executiones cognoscite es le SUA" [le original era in anglese: "The use of the death penalty for crimes committed under the age of 18 is prohibited under international human rights standards, yet some countries still permit or practice the execution of juvenile offenders. Such executions are few compared to the worldwide total number of executions. However, their significance goes beyond their numbers and calls into question the commitment of the executing states to respect international standards. "The fact that nearly all states whose laws still provide for the death penalty have ratified international instruments precluding its use against juvenile offenders confirms the consensus that such use violates international law. "Since 1990 Amnesty International has documented executions of juvenile offenders in six countries: Iran, Nigeria, Pakistan, Saudi Arabia, the United States of America (USA) and Yemen. The country which has carried out the greatest number of known executions is the USA"]