Corte Invita Defia al Sede Electric de Georgia Per Bill Rankin [log in to unmask] Traducite per Stan Mulaik Denominante le uso del sede electric un question disconcertante moral e legal, Le Corte Supreme de Georgia indicava Lunedi le octobre 30 que illo ora es volente de confrontar le question. In un opinion dividite, le corte diceva que illo necessita sufficiente evidentia ante que illo pote decider le question. Expertos super le pena de morte diceva que le declaration pote esser un signalo que le corte es preste de declarar que le execution per sede de morte es inconstitutional. "Claro, le corte lucta con iste question," diceva Stephen Bright, Director del Centro del Sud pro le Derectos Human. Le corte faceva su declaration in un caso in que illo affirmava le conviction capital de John Anthony Esposito, sententiate al pena de morte duo annos passate pro le homocidio in 1966 de Lola Davis in le Contato de Morgan. Le homines de lege de Esposito defiava le electrocution como punition cruel e inusual. [Le Constitution del Statos Unite interdice le punition cruel e inusual]. Le Corte rejiceva le appello, dicente que il habeva insufficiente evidentia pro facer un tal trovata. Previemente iste anno, legislation statal esseva decretate a provider pro le injection lethal pro uso con gentes convicte de crimines capital committite a o post 1 maio 2000. Incarceratos qui ha committite crimines capital ante alora esserea executate in le sede electric. Solmente Georgia, Alabama e Nebraska usa electrocution como un methodo requirite de execution pro prisioneros condemnate. In le decision de lunedi in Atlanta, Judice Norman Fletcher, scribiente pro le majoritate, notava "grave inquietude super le humanessa del electrocution ha essite recognoscite per membros del corte e de altere cortes." Le question, ille scribeva debe esser lassate al Legislatura. "Infortunatemente," ille diceva, "legislative resolution de tal questiones ha a vices venite solmente post que le judiciario ha initialmente intervenite." Si un "sufficiente evidentiari presentation" pote esser facite, Fletcher scribeva, alora le Corte va confrontar le question." = = = = = = = = = = = = = = = = In le stato de Utah le condemnate ha duo selectiones: execution al furca o peloton de execution. Le ration pro le secunde es que in le religion del mormones, si on prende le vita de un altere, on debe effunder su proprie sanguine in punition. Le peloton consiste de tres officieros del lege qui usa fusiles. Solmente duo del tres fusiles ha un bolletta, e le altere un blanc. Necuno sape si su fusil habeva le blanc pro facer incerte que on habeva occidite le condemnate. Le peloton tira le condemnate in le corde. Le morte es instantanee. Le corpore es frequentemente portate post le execution al Schola de Medicina al Universitate de Utah pro dissection per le studentes medic.