Salute Michael! Benque io non es experte in le organisation etc. de interlingua, io tentara responder a alcunes de tu questiones. 1a. On parla a vices de 1000 a 2000 usatores active, ma de facto necuno sape securmente. Certo pro me, e multe alteres, rolo de interlingua como ponte al linguas romanic (active, a romanoparlantes; passive, a textos romanic) es un grande attractor sue, e isto non depende super le numero actual del usatores active. 1b. Pro reciper un lista de tote membros de INTERLNG, invia un message a [log in to unmask] (*non* al INTERLNG mesme) con le texto: REVIEW INTERLNG 2. Il ha organisationes national in plure paises. Il me pare que illos de Svedia, Nederland, e de Brasil es le plus active. 3. Le Servicio de Libros (vide www.interlingua.com) lista al minus un manual anglese relativemente recente e relativemente grande: _Interlingua Today_, per Peter Gopsill. Il pare que le manual de Ingvar Stenstroem, _Interlingua: Instrumento moderne de communication international_, non existe in un version anglese, benque on lo ha facite version in plure altere linguas. Esque il ha un besonia pro nove libros didactica in anglese? Multo probabile. 4. Quanto a interlingua parlate io sape pauco. Usque ora, solo illes habitante proxime multe interlinguistas ha occasion de parlar lo, salvo a incontros international. Le advenir de telephonia-internet forsan va revolutionisar iste situation. Totevia, illo se trova ancora in stadio neonatal. Sex o dece-duo menses futurmente on potera adjudicar lo. 5a. Le conferentias de UMI trova loco cata secunde anno, le proximo in 2001. Il ha varie incontros national e regional, le plus grande pare esser le incontro panscandinave. 5b. In le SUA le Interlingua Institute de New York esseva le organisation official durante multe annos. Illo non es ancora active desde le comenciamento de 2000, ma on effortia se actualmente pro establir un nove organisation american o nordamerican. Viste que interlingua pare ganiar plus de interessatos in nordamerica, on pote expectar haber incontros in le futuro non-distante. Io spera que iste informationes es interessante a te. Amicalmente, Chris Burd Victoria, Columbia Britannic.