Ora il ha un sito pro le discussion del Scripturas Sacrate del Biblia al eGroups.com ... Ecce un invitation cordial e amical a omne interessatos. On potera subscriber se a iste lista al sito: http://www.egroups.com/group/biblia-interlingua o vos pote inviar un message al adresse: [log in to unmask] Comenciante in le proxime vacantias del schola io inviara mi traductiones a iste lista e omne que vole inviar su proprie versiones del textos es benvenite. Nos potera haber iste foro pro le discussion del textos in un ambiente amical e sin le necessitate de accusar o castigar a illos que non conclude le mesme opiniones que nos mantene. Le guerras e le accusationes non son benvenite a iste nove lista. Solmente le amor pro le traduction del Biblia al lingua belle e international. Nos potera discuter le melior terminos que traduce le original. Nos debe sempre haber in mente que le Biblia esseva scripte originalmente in hebreo, arameo e greco. E que le studios in iste linguas se ha disveloppate multo in le ultime annos gratias al archeologia e le avantiamentos con le technologia que facilita le studio de linguas e orthographias. Le textos del Qumran es un exemplo de nove opportunitates pro studio del uso de hebreo e del credentias de sectas judee al tempore de Christo, per exemplo. Io alsi va offerer non solmente mi traductiones, e benvenir le traductiones de altere interessatos, ma dar lectiones pro apprender le grammatica e le vocabulario del linguas original del textos Biblic. Si vos es interessate in reciper discussiones de iste typo e vole offerer opiniones in un spirito de tolerantia al derectos de opinion de cata vicino io vos invita a junger vos al lista Biblia Interlingua. Sincer e amicalmente, Jay B.