Il es commendabile que tu ha iste ressources pro personas que es interessate, Paolo. Le nove lista biblia-interlingua es solmente pro le discussion del traduction del Scripturas e le consideration del linguas original in le qual le Biblia esseva scripte. Ecce le message introductori que io inviava al lista: "Iste lista de email es dedicate al memoria de omne illes que se effortiava pro laborar in traductiones del Biblia al linguas parlate del mundo e distribuer le scripturas a omne que voleva leger e studiar los." "Io desirea que le libros sacrate sia traducite a tote le idiomas" -Desiderio Erasmo, erudito holandese del seculo XVI. LE BIBLIA: Un libro prohibite, un libro amate. Le sperantia que Erasmo habeva con major fervor esseva que tote le mundo lege e comprende le Scripturas Sancte. Ma le oppositores del Biblia repudiava con violentia tal idea. De facto, Europa esseva a ille tempore un region extrememente periculose pro illes que sentiva le minime curiositate pro cognoscer le contenito del Biblia. In Anglaterra, un lege promulgate per le Parlamento decretava que "quicunque lege le Scripturas in Anglese perderea su terras, e su possessiones... e que si se obstinava o reincideva post haber essite perdonate, in primo loco ille esserea lynchate pro tradition al rege e postea comburite pro heresia contra Deo". In le continente europee, le inquisition catholic dava capto sin pietate al sectas "heretic", como le waldenses, de Francia, a qui le inquisition faceva objecto particular de persecution pro su costume de predicar "le evangelios, le epistolas e altere scriptos sacrate, ... date que le predication e exposition del Sancte Scripturas (esseva) totalmente prohibite al laicos". Un innumerabile quantitate de homines e mulieres suffreva tormentos horribile e moriva per su amor al Biblia. Illes riscava suffrer le penas plus sever per le simple facto de precar le Patre Nostre o recitar le Dece Mandamentos e inseniar los a su filios. -- Paolo Castellina ad [log in to unmask] ha scripte in 2000/11/08 4:11 AM: Car amicos, io desidera solmente rememorar (specialmente al nove lectores) que desde plure annos jam existe un sito Internet in Interlingua que tracta de theologia christian, Biblia, traductiones, ethica, historia, etc. il es http://probiblia.n3.net. Desde plure annos il existe alsi un forum de discussiones biblic e religiose in Interlingua, que se appella alsi Pro Biblia, illo es: http://www.delphi.com/spiritualitate.