Jonathan Julius Dobkin wrote: > Cellus ha scripte (re: le accento italian): > >Lazio devenira Capitano del equipa national de Anglaterra. Es isto que on appella citation ex contexto! Lazio es le club de futbol de Roma ubi iste mi compatriota ha essite trainer/coach (selige le parola desirabile!) > Non, celle; Rick Lazio vole esser un senator, non un capitano. > (...) In Svedia on (ancora) non usa machinas de votar. Cata partito es representate per schedulas de voto (in le formato A5 (como Panorama in interlingua). Sur le schedula es imprimite le nomine del partito et le specie de election (communal - election de gerentia local), Consilio gubernamental pro le gubernia (simile al gubernias in Russia prerevolutionari, ma minor in territorio!) et parlamentari. Le schedulas ha differente colores. Sur le schedula il ha le nomines del candidatos pro le "circulos electoral" (areas electoral foran esserea un optime termino, in anglese on parla de constituentia, ego crede). Le varie partitos ha nominate un multitude de candidatos. Le elector face un x in le quadrato ante le persona le qual ille vole eliger. On ha anque le derecto ascribir un nove nomine ma il non es permittite cancellar un nomine in le scheda per un linea!) Le candidatos es nominate intra le partitos. Al intrar in le local de votation le votator monstra su carta de election. Es notate que ille existe in le lista de electores. Va detra un schermo, pone le schedas in copertas (que ha un micre apertura assi que on pote vider le color del scheda electorar, assi que on sape pro qual election le voto appertine. Post iste procedura detra le schermo quando on pote anque ascriber nomines (v. supra) on sorti del schermo et presenta le inveloppes electorar al functionarios qui controlla in le lista et pone le inveloppes cata in su arca (urna) electoral (in le forma de un cassa de posta con un micre apertura, sufficiente pro un inveloppe electoral. Le functionario pone le inveloppes sur le arcas, recita: "Communal, gubernamental, parlamentari" et le persona al lista face le notas necessari. Post cata election le medios con gaudio reporta quanto personas ha ascribite "Anselmo le Anate" (Donald Duck), Napoleon o altere celebritates. Le politicos parla multo in favor de "Electiones personal" alque in le typo de Grande Britannia, lo que a me personalmente es multo dubitose, ma isto un altere vice. Vidite de mi horisonte il sembla que Clinton ha essite multo successose como presidente, al minus pro le pais in grande. Le medios non succede dar le pictura del gente general. Amica mie qui ha optime contactos forsan in le Statos Unite appellava le presidente Klanton (appellante al parola svedese klant = ineptulo). Ma com ego lo comprende ille debe esser un phenomeno politic, succedente retener le poter post un tanto "devastante" colpo como cosa Lewinsky (?) lo que in multe altere paises non mesm haberea essite un cosa pro le jornales! Ma del altere latere illes omnes es le figuras "Clinton", "Bush" etc. On transmitteva un intervista con Ralf Nader, le heroe de lucta pro le consumentes, qui nominava Bush un ambulante corporation (societate actionari pro le europeos, forsan)! Ego pensa de Hillary Clinton. Il es tanto typic que un "grande" politico va candidar in un parte ubi le persona in question in principio ha nulle connection. Assi il occurre in multe paises, non minus ci in Svedia pro exemplo. Cellus, civis observans res politicas Regni Sveciae.