George Carty scribeva: >Io pote comprender perque alcun personas es opposite al punition capital >pro assassinos normal, ma como pote ALCUNO oppose le execution de >occiditores serial, o de criminales de guerra? Esque le opponentes de >punition capital spraniarea Adolf Eichmann, o altere criminales del >secunde guerra mundial, qui ha occidite sex million judeos?! > >Io tamben non pote comprender le pacifistas. Securmente, le solo via de >solver le problema de dictatores genocidic, es les destruer! > Le themas que tu promove non es de poco conto e io pensa que illos non es solmente un problemas pro le assi nominate pacifistas. Io non crede in le pacifistas, nonobstante illo que pote pensar alcunos in relation a illo que io solitemente scribe. In realitate io debe creder solmente in me mesme. Isto simplifica tote le questiones. Postea, quando le communitate international, pro un motivo o pro un altere, ha permittite que le homines face violentia al altere homines, que poter servir facer un distinction intra un criminal o un altere? Io vole evitar de questionar si in un caso o in un altere le Stato pote committer le pena de morte. Io ha interesse a tu assertion final. Tu scribe: 'Securmente le sol via de solver le problema de dictatores es les destruer' Io evita de facer un distintion intra le dictatores. E io ha sempre pensate perque un tribunal international non pote deliberar de eliminar qualcunque dictator de quando ille prende le poter in su pais. Quando io scribe eliminar, io ancora non intende occider. Io simplemente intende que in le arco de alcun dies un tribunal international poterea facer un intervention de fortia, non contra le populationes, ma pro capturar le dictator potential. E multe pensara: tu es un fascista! No! Io pensa que tote le mundo ha un necessitate practic: non permitter le disordines de qualcunque natura illo sia. Tu tene presente que nos ha criminales qui es al vertice de organisationes commercial, per exemplo. No! io non debe esser un pacifista e totevia io non es un fascista. Quando un ambassador es nominate in un pais ille presenta su credentiales. Le communitate mundial poterea pretender de examinar le credentiales de omne leader. Perque non? Io es sempre plus convincite que illo que manca a nos cives del mundo es le coscientia de esser cive, de esser unic, de non repeter nos, de haber le placer de viver melio hodie in qualcunque parte del terra. Alora que es io? Uno illudite! Mario Malaguti