Io jam faceva un incontro fortuite in leger un libro per Vacca, si io non rememora mal le nomine, un autor italian qui, per le prime vice, io discoperiva que ille parlava de interlingua. De interlingua? Io me surprendeva! Anque perque le obra non era recente. Postea io discoperiva que iste autor qui cognoscerea circa 12 linguas diverse, quando ille era poco plus que un puero, veniva aviate a interlingua per su patre qui era un professior universitari (de mathematica o linguas oriental, io non es certe). Al fin io discoperiva que iste professor esseva discipulo de Peano e que le autor scribeva de interlingua, ma ille se refereva al Latino sine Flexione. Ille mesme concludeva con le convincimento de un belle fallimento pro interlingua. Que facer? Isto non es un libro que me adjuta. Comocunque tu suggestion renova mi interesse, perque io jam pensava a isto, ma sape tu? il es como cercar in un mundo de hostilitate. Peano? Si! Il vade ben, ma totevia, hodie. . . Forsan, nonobstante illo qui pensa Stan, ma io sape que le situation in Italia non es diverse de illo in USA, le mundo del academicos, pro utilisar un termino prestigiose e dar importantia a un categoria que, in Italia, super toto es le producto de clientarismo (clientelas) politic, es un mundo de personas qui es plen de se mesme, qui esprime lor position de un nivello absurde, pro defender in realitate lor modeste contenuto in non tote, ma in le major parte del casos. Illes non es recercatores in campos come le physica, le medicina, alteres ubi qui es a iste nivello exprime vermente un capacitate non commun. Illes qui es in le campos litterari, in general, es del specie que io describeva antea, assi illes es simplemente in le defensa, o tu pote dicer in le pavor de esprimer nihil, si uno vade a fundo del thema. Ma totevia illes es professores universitari e securmente, in iste casos, anque exponentes de un partito politic. Le exceptiones, que pro fortuna existe, pote non haber interesse pro un materia como interlingua, perque, diversemente, un professor universitari del ramo, vole tu que ille non cognoscerea le existentia de un realitate como interlingua? Crede a me, io debe concluder que a iste nivello interlingua non interessa. Interlingua pertine al personas normal, a illes qui haberea le avantage de practicar lo, sin facer se carga de un secunde o tertie lingua. Ma iste es reflexiones del toto mie. Gratia Jay e ciao a totos, Mario Malaguti >From: Jay Bowks <[log in to unmask]> >Date: Tue, 16 Jan 2001 00:04:47 -0500 > >Car Mario, >Como tu sape, io me interessa multo in le historia del >Academia pro Interlingua sub Giuseppe Peano. Le nomine >original del Interlingua de Peano era Latino sine Flexione, >e ille habeva discipulos que practicava iste lingua in le >universitate. Forsan tu poterea establir un connection >con qualque ancian discipulos que oblidava le causa e >que forsan es usque nunc vivente e desirose de parlar >del vetere dies. Io crede que multe del interessatos in >Latino sine Flexione appreciarea le disveloppamento >de Interlingua al manos de IALA e le belle lingua que >illo ha devenite pro medio del practica e uso de multe >personas in multe paises. Ora, si tu pote facer alcun >recerca al environs de Torino o del citate ubi Peano >nasceva tu poterea trovar alcun paisanos interessate >in le belle lingua a causa de iste pionero del linguas >naturalistic. Il ha de facto un schola nominate in honor >del gentil professor e que da un parve historia in su >memoria. > >Como sempre a tu servicio, >Jay B. _________________________________________________________________________ Get Your Private, Free E-mail from MSN Hotmail at http://www.hotmail.com.