Allan, e alteros, Il me pare que le attitude de Jay verso bannieras es un credo de su fide e non simplemente un decision individual. A esser ver a su fide, ille debe creder que a dar su fidelitate a un banniera es a subordinar su fidelitate al "Regno de Deo". Aquello es su fide. Lo accepta. Nos non semper tracta nostre fidelitate a un banniera o a un pais como un fidelitate ultime. Mais certe formas del patriotismo leva le pais o le banniera a un nivello ultime que mesmo supera nostre fidelitate a nostre Deo. Isto es un forma del idolatria. Io videva un programma in le television heri super le guerra inter le partisanos sovietic, le partisanos ukranian, e le germanos in Guerra Mundial II. Le grado de cruelitate del parte de tote le lateres verso le alteros solmente monstra le exemplo de un fidelitate a un causa patriotic que surpassa un fidelitate a Deo qui insenia que nos debe amar tote nostre fratres. Tote le recognition de iste commandamento esseva perdite del parte de tote le participantes in iste guerra. Stan