Car amicos,
Iste septimana io ha lecte un
interessante articulo in le "National geographic" in italiano. Le articulo
describe le nove discopertas scientific re Marte.
Juncte al magazin il ha un bellissime mappa geographic de Marte con
particulares ancora inedite. Le componentes geomorphologic del
tormentate e varie solo martian son indicate con le nomines
scientific.
Equivalentes
geographic:
Chasma: canyon
Fossa:
valle
Labyrintus: systema
de valles
Mensa: plateau
Mons:
monte, vulcano
Patera vulcano
pauc profunde
Planitia: bassino
Planum: vaste
plateau
Terra:
region
Tholus
vulcano a cupola
Valles,
vallis: valles, valle
Vastitas: vaste
plana
Iste nomines indica le valles,
planas, montes, vulcanos etc. que son presente in illo planeta, unicamente
in Marte. Nos pote naturalmente indicar, pro exemplo, le monte
martian Olympus simplemente monte Olympus, sed le nomine scientific usate
per le communitates scientific del tote mundo, io crede, son illos supra
mentionate i.e: mons Olympus. Io non sape se in Interlingua il ha jam le
equivalentes traducte e standardisate in su vocabulario.
Io volerea cognoscer se iste
teminos scientific pote esser considerate como neologismos, porque
utilisate ab le vastitate del mundo scientific; alteremente si il
besonia que iste parolas debe sequer le regula del 3/4. E si il non es possibile
adoptar le regula del 3/4, esque le latinismos o le grechismos son
privilegiate in comparation al altere parolas national?, super toto quando illos
se refere al terminologia scientific e como in iste caso al
teminologia geomorphologic martian!
Martianmente
vostre!
Luca
Ghitti