On Mon, 05 March 2001, Cellus ha scripte: Io non sapeva de iste casos e io non es a favor del liberation de canes sin precautiones contra illes qui son dangerose. E certemente, io non approba del introduction de species alien a una ecosystema, sin consideration del consequentias. Ma in le prime caso que Cellus ha citate, io non pote concordar. "Io ha un interresse pecuniari in isto" non debe esser considerate como un argumento legitime; sclavitude e genocido era defendite con iste parolas. Ma un cosa moralmente intolerabile debe esser abolite, e le abolition non debe esser resistite per rationes financial. E si le lege totevia lo tolera, actiones contra crueltate e morte, mesme si illegal, son ben justificabile. In 1865, le constitution statounitese ha prohibite sclavitude in le SUA; e quasi tote le statos del sud ha cambiate lor leges pro abolir sclavitude. Ma le stato de Mississippi non ha cambiate su leges, pro protestar le facto que le dominos non ha recipite compensation pro le sclavos qui habeva essite lor proprietate, e sclavitude era legal in le leges del stato (non enforcibile, naturalmente, porque illos era supercedite per le lege superior e contradictori del constitution national) usque 1995! Si, ante solmente 6 annos (130 annos post le abolition statunitese de escravitude, le leges de Mississippi totevia permitteva lo. Non, io non considera rationes financial haber relevantia in considerationes de ethica. Vegetarianamente, -Julio > In Umeå, Svedia nord un venditor de pelles (pellicias?) faceva banca rupte proque lo que on ci appella > "activistas del derectos de animales" habeva facite tante sabotages a su boteca que le assecurantia non > plus poteva pagar le damnos e il debeva clauder! > > In le sud alcun _activistas_ "liberava" canes que era prendite in custodia proque illos era sin maestro e > dangerose al resto del population. Ego ha multo poco comprension a personas qui vole persvader alteres per > actiones violentes o poner los in bancaruptia. In Finlandia on ha un inferno con le si appellate "Puellas > a vulpes", le quales inspirate per lor sorores in le Regno Unite, face sabotages lassante in libertate > vulpes e visones (mink) le quales, habente vivite in captivitate mori, e le micre numero que se salva se > prolifera e face enorme damnos al fauna original, in practica mangiante omne le aves que ha su nidos al > terra, e le vison nata anque multo ben e mesmo le insulas in le arcipelago non es protegite. > > Cellus