Emerson Ricardo Zamprogno ha scripte; >>Le gallos brasilian face (in portugese)"cocoricó" e le canes, "au-au." Fantastic! Io non sapeva que le gallos brasilian poteria usar portugese--nostre gallos statounitese non pote parlar necun parolas de anglese... Nos anglophonos representa le sono de un gallo al hora del aurora como "cock-a-doodle-do." Le gallinas in general dice "cluck-cluck." E le canes dice "arf" o "woof" o "bow-wow." Io ha scripte un articulo re le parolas anglese que refere a canes, e le phrases que usa metaphores canin in nostre lingua, que io sera felice inviar a alcuno qui vole reciper lo. Io ha apprendite (de mi amor Rosa, mi professora personal de espaniol) solmente in le septimana passate que le canes Venezuelan (e, io pensa, le canes de tote le paises hispanophon) dice "guau-guau." Arf-arf, -Julio